‘इन्डियन कार अफ द इयर २०२५’ विजेता सुजुकी ‘भिक्टोरिस’ नेपाली बजारमा

काठमाण्डौ । सुजुकी गाडीको नेपालका लागि आधिकारिक वितरक सीजी मोटोकर्पले अत्याधुनिक प्रविधि, उच्च सुरक्षास्तर र प्रिमियम सुविधासहितको नयाँ एसयूभी ‘भिक्टोरिस (VICTORIS)’ नेपाली बजारमा औपचारिक रूपमा सार्वजनिक गरेको छ। 

फ्युचरिस्टिक डिजाइन, आरामदायी इन्टेरियर र स्मार्ट टेक्नोलोजीको संयोजनका रूपमा प्रस्तुत गरिएको यो एसयूभीले नेपाली अटोमोबाइल बजारमा नयाँ मापदण्ड स्थापित गर्ने कम्पनीको दाबी छ  

भिक्टोरिसमा स्ट्रङ हाइब्रिड, १.५ लिटर स्मार्ट हाइब्रिड पेट्रोल तथा ALLGRIP Select (४x४) जस्ता पावरट्रेन विकल्प उपलब्ध छन्। म्यानुअल र अटोमेटिक दुवै ट्रान्समिसनमा उपलब्ध यस गाडीमा लेभल–२ एडास (ADAS) प्रविधि जडान गरिएको छ, जसले ड्राइभिङ सुरक्षालाई थप सुदृढ बनाउँछ। अन्तर्राष्ट्रिय सुरक्षास्तर पुष्टि गर्दै भिक्टोरिसले ५-स्टार ग्लोबल एनक्याप सेफ्टी रेटिङ समेत प्राप्त गरिसकेको छ ।

उच्च प्रविधि र शक्तिशाली प्रदर्शनका कारण यो एसयूभीले प्रतिष्ठित ‘इन्डियन कार अफ द इयर २०२५’ को उपाधि पनि जित्न सफल भएको छ। सीजी मोटोकर्पले भिक्टोरिसको प्रारम्भिक मूल्य ५० लाख ९९ हजार रुपैयाँ तोकेको छ। साथै, पहिलो ५० बुकिङका लागि २ लाख रुपैयाँसम्मको एक्सचेन्ज बोनससहितको सीमित अवधिको लन्च अफर पनि ल्याइएको छ।

सीजी मोटोकर्पका प्रबन्ध निर्देशक करन कुमार चौधरीले आधुनिक नेपाली ग्राहकहरू प्रविधिप्रेमी र वातावरणप्रति जिम्मेवार रहेको उल्लेख गर्दै उनीहरूको चाहना पूरा गर्न भिक्टोरिस ल्याइएको बताए। ‘ल्याटिन भाषामा भिक्टोरिसको अर्थ ‘विजय’ हो। यसको पाँचतारे सुरक्षा र हाई–टेक फिचरले ग्राहकको मन जित्नेमा हामी विश्वस्त छौं,’ उनले भने ।

फिचरका हिसाबले भिक्टोरिसमा हरमन (इन्फिनिटी) को ८-स्पिकर प्रिमियम साउन्ड सिस्टम, डोल्बी एटमस ५.१, १०.१ इन्चको स्मार्टप्ले प्रो एक्स टचस्क्रिन, फुल डिजिटल इन्स्ट्रुमेन्ट क्लस्टर, ६४ रङको एम्बियन्ट लाइटिङ, भेन्टिलेटेड सिट, ह्यान्ड्स-फ्री पावर टेलगेट लगायतका सुविधा छन्। सुरक्षातर्फ ६ एयरब्याग, ३६० डिग्री क्यामेरा, टायर प्रेसर मोनिटरिङ सिस्टम, इलेक्ट्रोनिक पार्किङ ब्रेक र अल–ह्विल डिस्क ब्रेक जस्ता फिचर स्ट्यान्डर्ड रूपमा उपलब्ध गराइएको छ ।

डिजाइनतर्फ एलईडी प्रोजेक्टर हेडल्याम्प, कनेक्टेड एलईडी टेल ल्याम्प, ‘एयरो कट’ एलोय ह्विल र प्यानोरामिक सनरुफ भिक्टोरिसका प्रमुख आकर्षण हुन्। १० आकर्षक रङ विकल्पसहित उपलब्ध यो एसयूभी नेपाली बजारमा प्रिमियम सेग्मेन्टमा कडा प्रतिस्पर्धा गर्ने अपेक्षा गरिएको छ ।