सुनसरी १ मा हर्क साम्पाङ विजयी

काठमाण्डौ । सुनसरी क्षेत्र नम्बर १ बाट श्रम संस्कृति पार्टीका उम्मेदवार हर्क साम्पाङ विजयी भएका छन् । साम्पाङले ३५ हजार ७४१ मत ल्याएर विजयी भएका हुन् ।  

उनले राष्ट्रिय स्वतन्त्र पार्टीकी उम्मेदवार गोमा तामाङ (सरिन) लाई हराउँदै चुनाव जितेका हुन् । तामाङले २७ हजार २४९ मत ल्याएकी छन् । साम्पाङले ८ हजार ४९२ मतान्तरले तामाङलाई पछि पारेका हुन् ।  

श्रम संस्कृति पार्टीले २ स्थानमा जित निकालिसकेको छ भने एक स्थानमा अग्रता कायम गरेको छ । साम्पाङ श्रम संस्कृति पार्टीका अध्यक्ष हुन् ।