समातुपातिकतर्फ श्रम संस्कृति पार्टीले बढायो मत, पच्छ्याउँदै राप्रपा

काठमाण्डौ । प्रतिनिधिसभा निर्वाचनको समानुपातिकतर्फको मत गणना जारी छ । निर्वाचन आयोग नेपालका अनुसार हालसम्म ९१ लाख २० हजार ९३१ मत गणना सम्पन्न भइसकेको छ ।  

समानुतपातिकतर्फ श्रम संस्कृति पार्टीले आफ्नो मत बढाउँदै लगेको छ । श्रम संस्कृतिले ३ लाख १४ हजार २९१ मत प्राप्त गरेको छ, जुन यो गणना भएको कुल मतको ३.४५ प्रतिशत मत हो ।  

यस अघि श्रम संस्कृति पार्टी राष्ट्रिय प्रजातन्त्र पार्टी (राप्रपांभन्दा तल थियो तर विस्तारै श्रम संस्कृतिले राप्रपालाई पछि पार्दै हालसम्ममा ५औं स्थान जमाएको छ ।  

यता राप्रपाले भने २ लाख ९५ हजार ४९९ मत प्राप्त गरी श्रम संस्कृति पार्टीलाई पच्छ्याइरहेको छ ।  

त्यस्तै, सबैभन्दा धेरै मत प्राप्त गर्ने राष्ट्रिय स्वतन्त्र पार्टी (रास्वपा)नै अघि रहेको छ । रास्वपालेमात्रै ४८.३४ प्रतिशत अर्थात् ४४ लाख ८  हजार ८६५ मत प्राप्त गरेको छ ।  

त्यस्तै, दोस्रोमा नेपाली कांग्रेसले १४ लाख ७५ हजार ११५ मत प्राप्त गरेको छ भने तेस्रोमा नेकपा एमालेले १२ लाख ३५ हजार ५८९ मत प्राप्त गरेको छ ।  

चौथो स्थानमा भने नेपाल कम्युनिष्ट पार्टीले ६ लाख ६० हजार १०१ मत प्राप्त गरेको छ ।