बालेन नेतृत्वको सरकारमा एक महिना पनि टिकेनन् दुई मन्त्री

काठमाण्डौ । प्रधानमन्त्री बालेन्द्र (बालेन)शाह नेतृत्वको सरकार बनेको २६ दिनमै २ मन्त्री पदबाट हटाइएका छन् ।  

गृहमन्त्री सुधन गुरुङ र यसअघि श्रममन्त्री रहेका दीपककुमार साहको पद एक महिना नबित्दै गएको हो । उनीहरुको कार्यशैली र व्यक्तिगत अपारदर्शी शैलीका कारण पदबाट हटाइएको हो ।  

गृहमन्त्री सुधन गुरुङ २६ दिनमै पदमुक्त बनेका छन् भने यसअघि श्रममन्त्री रहेका दीपककुमार साह १३ दिनमै बाहिरिएका थिए ।  

आफ्नी श्रीमतिलाई स्वास्थ्य बीमा बोर्डको सदस्यमा अनाधिकृत रुपमा सहभागी गराउने भूमिका खेलेको भन्दै विवादमा तानिएपछि साह श्रममन्त्री पदबाट बाहिरिएका थिए ।  

साथै गृहमन्त्री सुधन गुरुङले पनि आजमात्रै पदबाट राजीनामा दिएका छन् । उनको सम्पत्तिमाथि चौतर्फी प्रश्न र आलोचना आएपछि उनले राजीनामा दिएका हुन् ।  

उनले सार्वजनिक गरेको सम्पत्ति विवरण अस्वभाविक रहेको भन्दै प्रश्न उठिरहेको बेलामा स्टार माइक्रो इन्स्योरेन्स लगायतमा गरेको लगानीमा समेत चौतर्फी आलोचना भएको थियो । सोहीकारण उनले बुधबार गृहमन्त्री पदबाट राजीनामा दिएका छन् ।