डाउ थेउरीमा नयाँ लोवर लो बनाउँदै खसेको बजारको अबको सम्भावना कस्तो ?

STOCK MARKET
बुधबार, बैशाख ५,२०८१ 17:07:42

काठमाण्डौ । मंगलबार नेप्से परिसूचक करिब १५ अंकले घटेर बन्द भयो । यो दिन करिव २ अर्ब १० करोडको कारोबार भएको छ । प्राविधिक रुपमा पछिल्लो अवस्थालाई नियाल्दा बजार २ हजारको मनोवैज्ञानकि विन्दुबाट पनि तल खसेको छ । यसैलाई प्राविधिक रुपमा डाउ थेउरीबाट हेर्दा बजारले नयाँ लोवर लो बनाएको छ ।

बोलिङगर ब्याण्डमार्फत नियाल्दा केही समय पहिले अपर ब्याण्डबाट तल खसेको बजार हाल तल्लो विन्दु नजिक आएको छ । म्याक्डीमा हिस्टोग्राम नेगेटिभ र लामालामा हुँदै गएका छन् । आरएसआई न्यूट्रल जोनमा प्रतिरोध सामाना गरेर हाल ३९ को तहमा आएको छ । घट्दो बजारमा यस्तो विन्दु ओभर सोल्ड जोन ३० भन्दा तल पनि आउन सक्छ ।

पिभट् मार्फत हेर्दा मंगलबार १९९१ मा बन्द भएको बजारको नजिकको सपोर्ट १९७५ , १९५५ र १९३० मा सपोर्ट लिन सक्छ । त्यसै गरि बढेमा भने २०२४,२०४७ र २०७० मा क्रमश ः प्रतिरोधको सामाना गर्न सक्छ ।

अबको सम्भावना कस्तो ?

बजार पछिल्लोपटकको उच्च विन्दु २१२१ बाट करिब १३१ अंक झरिसकेको छ । बजार संधै बढेको बढ्यै पनि नगर्ने र घटेको घट्यै पनि नगर्ने भएकाले अबको सपोर्ट विन्दुहरुमा बलियो टेवा लिन सक्छ । तर त्यसको कन्फरमेसनको लागि भने बजारको आगामी दिनको कारोबारलाई नियाल्नु पर्ने हुन्छ ।

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।