आम्दानी बढाउँदै भिजन लुम्बिनी उर्जा नाफामा उक्लियो, ईपीएस कति ?

काठमाण्डो । भिजन लुम्बिनी उर्जा कम्पनी लिमिटेड नाफामा गएको छ । कम्पनीले गत आवको चौथौ त्रैमाससम्म ९ करोड ४ लाख रुपैयाँबराबरको खुद नाफा आर्जन गरेको छ । अघिल्लो आवको सोही अवधिसम्म भने कम्पनी १० करोड ५ लाख रुपैयाँ घाटामा थियो ।

कम्पनीले विद्युत बिक्रीमार्फत ५८ करोड २३ लाख रुपैयाँ आर्जन गरेको छ । अघिल्लो आवमा भने कम्पनीले विद्युत बिक्रीबाट ३७ करोड ९१ लाख आर्जन गरेको थियो । यस्तै कम्पनीले १९ करोड ९३ लाख रुपैयाँबराबरको अन्य आम्दानी गरेको छ ।  

यो अवधिमा कम्पनीको कुल आम्दानी पनि ३५ करोड १८ लाखबाट बढेर ७२  करोड ७५ लाख पुगेको छ ।

समीक्षा अवधिसम्म कम्पनीको प्रशासनिक खर्च ४ करोड १६ लाख , कर्मचारी खर्च १ करोड ९१ लाख र ह्रासकट्टी खर्च २२ करोड ५१ लाख रुपैयाँ रहेको छ । १ अर्ब ९१ करोड रुपैयाँबराबरको चुक्तापूँजी भएको कम्पनीले रिटेन्ड अर्निङमा ७२ करोड १२ लाख रुपैयाँ सञ्चित गरेको छ ।  

यो अवधिसम्म कम्पनीको प्रतिसेयर आम्दानी(ईपीएस) ४.७३ रुपैयाँ, प्रतिसेयर नेटवर्थ १३७.७१ रुपैयाँ,प्रतिसेयर कुल सम्पत्तिको मूल्य ३४९.४५ रुपैयाँ, मूल्य आम्दानी अनुपात ९०.४९ गुणा र तरलता अनुपात १.७२ प्रतिशत कायम भएको छ ।