अन्य आम्दानी घट्दा अपर स्याङ्गे हाईड्रोपावरको नाफा ९७% ले खस्कियो

काठमाण्डौ । अपर स्याङ्गे हाईड्रोपावर लिमिटेडको नाफामा गिरावट आएको छ । अन्य आम्दानी घट्दा कम्पनीको नाफा गत आवको चौथो त्रैमाससम्म ९७.३६ प्रतिशतले घटेको छ ।

अघिल्लो आवमा भने कम्पनीले ७ करोड २३ लाख रुपैयाँबराबरको खुद नाफा आर्जन गरेको थियो ।

कम्पनीको विद्यु्त बिक्री आम्दानी वृद्धि भएको छ । कम्पनीले  विद्युत बिक्रीमार्फत कम्पनीले ६ करोड ५५ लाख रुपैयाँ आर्जन गरेको छ । अघिल्लो आवको चौथो त्रैमाससम्म भने कम्पनीले विद्युत बिक्री गरेर ५ करोड १७ लाख कमाएको थियो ।

Sponsored

यस्तै कम्पनीको अन्य आम्दानी उल्लेख्य घटेको छ । अघिल्लो आवमा १३ करोड ३ लाख रहेको कम्पनीको अन्य आम्दानी घटेर २ हजार ९९१ मा सीमित बनेको छ ।

कम्पनीको वित्त खर्च ३ करोड ४६ लाखबाट घटेर २ करोड ६७ लाखमा सीमित बनेको छ । कम्पनीको रिजर्भको आकार २ लाख १७ हजार रुपैयाँले धनात्मक बनेको छ । जुन अघिल्लो आवमा १ करोड ७९ लाख रुपैयाँले ऋणात्मक अवस्थामा थियो । २२ करोड रुपैयाँ चुक्तापूँजी भएको कम्पनीको कुल चालु सम्पत्ति १६ करोड ९२ लाख र कुल चालु दायित्व ५ करोड ५५ लाख रहेको छ ।

समीक्षा अवधिसम्म कम्पनीको प्रतिसेयर आम्दानी(ईपीएस) ८.२६ रुपैयाँ , प्रतिसेयर नेटवर्थ १००.१० रुपैयाँ, प्रतिसेयर कुल सम्पत्तिको मूल्य २७६.५१ रुपैयाँ र तरलता अनुपात ७९.६७ प्रतिशत कायम भएको छ ।