नवलपुरमा शव व्यवस्थापन र डीएनए संकलनका लागि विशेषज्ञ टोली पठाइँदै

काठमाडौं । नवलपुर जिल्लामा शव व्यवस्थापन तथा डीएनए संकलनमा देखिएको चुनौती समाधान गर्न सरकारले तत्काल पहल थालेको छ।

समस्या समाधानका लागि प्रधानमन्त्री कार्यालयमा भएको छलफलपछि डीएनए संकलनका लागि विशेषज्ञ टोली नवलपुर पठाउने तयारी गरिएको छ। टोलीले घटनास्थलमा पुगेर आवश्यक प्रक्रिया अघि बढाउने जनाइएको छ।

यसैगरी, शव व्यवस्थापनलाई व्यवस्थित बनाउन आजै नयाँ कार्यविधि पारित गर्ने तयारी भइरहेको छ। कार्यविधि लागू भएपछि शव पहिचान तथा व्यवस्थापनको प्रक्रिया थप सहज र व्यवस्थित हुने अपेक्षा गरिएको छ।