.gif)
.gif)
.jpg)
.png)
काठमाण्डौ । रसुवाको भोटेकोशी नदीमा आएको विनाशकारी बाढीबाट भएको क्षति तथा उद्धार, राहत र पुनर्स्थापनाका विषयमा छलफल गर्न सर्वदलीय बैठक फेरि बस्ने भएको छ।
मंगलबार दिउँसो २ बजे सिंहदरबारस्थित राष्ट्रिय स्वतन्त्र पार्टी (रास्वपा) को संसदीय दलको कार्यालयमा बैठक बस्ने गरी आह्वान गरिएको हो।
रास्वपाका प्रवक्ता जगदीश खरेलका अनुसार बैठकमा भोटेकोशी बाढीबाट भएको मानवीय तथा भौतिक क्षति, खोजी तथा उद्धार कार्यको अवस्था, प्रभावितलाई राहत उपलब्ध गराउने विषय तथा पुनर्स्थापनाका लागि चाल्नुपर्ने कदमबारे छलफल हुनेछ।
यसअघि बाढी आएको भोलिपल्ट अर्थात् भदौ ११ गते पनि रास्वपा सभापति रवि लामिछानेको आह्वानमा सर्वदलीय बैठक बसेको थियो। उक्त बैठकमा पनि भोटेकोशी बाढीबाट भएको क्षति तथा प्रभावित क्षेत्रमा उद्धार, राहत र पुनर्स्थापनाका विषयमा छलफल गरिएको थियो।
बाढीपछि प्रभावित क्षेत्रमा खोजी तथा उद्धार कार्यलाई प्रभावकारी बनाउने, पीडितलाई तत्काल राहत उपलब्ध गराउने र दीर्घकालीन पुनर्स्थापनाका लागि राजनीतिक दलहरूबीच समन्वय गर्ने विषयलाई बैठकले प्राथमिकता दिने बताइएको छ।
.png)
.png)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।