.gif)
.gif)
.png)
काठमाण्डौ । धनुषाको क्षिरेश्वरनाथ नगरपालिका–१ का ३८८ परिवारले नापजाँच सम्पन्न भएको करिब ९ वर्षपछि जग्गाधनी प्रमाण पुर्जा (लालपुर्जा) प्राप्त गरेका छन्।
साविक रमदैया भवाडी गाविसका वडा नं. २, ३, ४, ६, ७ र ८ क्षेत्रमा लामो समयदेखि स्ववासीका रूपमा बसोबास गर्दै आएका ती परिवारले अब आफूले भोगचलन गर्दै आएको जग्गामाथि औपचारिक कानुनी स्वामित्व प्राप्त गरेका हुन्।
नापी कार्यालय धनुषाले आवश्यक कानुनी तथा प्रशासनिक प्रक्रिया पूरा गरी ३८८ थान जग्गाधनी प्रमाण पुर्जा वितरण गरेको हो।
उक्त क्षेत्रको नापजाँच कार्य २०७४ सालमै सम्पन्न भएको थियो। तर नापनक्सा तयार भए पनि आवश्यक प्रक्रिया समयमै पूरा हुन नसक्दा लामो समयसम्म लालपुर्जा वितरण हुन सकेको थिएन।
करिब ९ वर्षदेखि रोकिएको प्रक्रिया अगाडि बढेपछि अहिले सम्बन्धित परिवारले जग्गाधनी प्रमाण पुर्जा प्राप्त गरेका हुन्।
लालपुर्जा प्राप्त भएसँगै स्ववासीका रूपमा बसोबास गर्दै आएका स्थानीयको जग्गामाथिको स्वामित्व औपचारिक रूपमा स्थापित भएको छ।
यससँगै अब उनीहरूले जग्गासँग सम्बन्धित कानुनी तथा आर्थिक अधिकार पनि सहज रूपमा प्रयोग गर्न सक्नेछन्। लालपुर्जा प्राप्त भएपछि जग्गा बैंक तथा वित्तीय संस्थामा धितो राखेर ऋण लिन सहज हुने अपेक्षा गरिएको छ।
त्यस्तै, जग्गाको स्वामित्व स्पष्ट भएपछि भविष्यमा उत्पन्न हुन सक्ने भूमिसम्बन्धी विवाद समाधानमा समेत सहजता आउनेछ।
यसअघि धनुषामा ३ हजार ९६६ परिवारलाई जग्गाधनी प्रमाण पुर्जा वितरण गरिएको थियो।
(1).gif)
.png)
.gif)
.jpg)
.jpg)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।