.gif)
.gif)
.png)
काठमाण्डौ । सरकारले जल तथा मौसम विज्ञान विभागलाई ऊर्जा, जलस्रोत तथा सिँचाइ मन्त्रालय मातहत राख्ने निर्णय गरेको छ।
शुक्रबार बसेको मन्त्रिपरिषद् बैठकले विभागको मन्त्रालयगत संरचना परिवर्तन गर्न नेपाल सरकार (कार्यविभाजन) नियमावली, २०८३ संशोधन गर्ने निर्णय गरेको हो।
यसअघि जल तथा मौसम विज्ञान विभाग कृषि, वन तथा पर्यावरण मन्त्रालयअन्तर्गत राखिएको थियो। गत असारमा समेत विभाग कृषि, वन तथा पर्यावरण मन्त्रालय मातहतका निकायका रूपमा सञ्चालनमा रहेको देखिन्छ।
सरकारको पछिल्लो निर्णयसँगै अब मौसम पूर्वानुमान, जलविज्ञान, बाढी पूर्वसूचना तथा मौसमसम्बन्धी प्राविधिक सेवा हेर्ने विभाग ऊर्जा, जलस्रोत तथा सिँचाइ मन्त्रालयअन्तर्गत रहनेछ।
ऊर्जा मन्त्रालयको हालको कार्यक्षेत्रमा जलस्रोतको विकास, संरक्षण, उपयोग, नदी बेसिन योजना तथा जलस्रोतसम्बन्धी नीति र नियमनसमेत समेटिएका छन्। विभागलाई यही मन्त्रालयमा ल्याउने निर्णयपछि जल तथा मौसमसम्बन्धी सूचना र जलस्रोत व्यवस्थापनबीचको संस्थागत समन्वय थप प्रत्यक्ष हुने देखिन्छ।
सरकारको निर्णय कार्यान्वयनका लागि कार्यविभाजन नियमावलीमा आवश्यक संशोधन गरी विभागको प्रशासनिक जिम्मेवारी औपचारिक रूपमा ऊर्जा, जलस्रोत तथा सिँचाइ मन्त्रालयमा सारिनेछ।
(1).gif)
.png)
.gif)
.jpg)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।