(3).gif)
.gif)
.gif)
.png)
काठमाण्डौ । नेपाल विद्युत प्राधिकरणले टेकु सबस्टेसनमा प्राविधिक सुधारको काम गर्नुपर्ने भएकाले काठमाडौंका विभिन्न क्षेत्रमा १० दिनसम्म विद्युत आपूर्ति प्रभावित हुन सक्ने जनाएको छ।
प्राधिकरणका अनुसार असोज ४ गतेदेखि १४ गतेसम्म १३२ केभी टेकु सबस्टेसनअन्तर्गतका विभिन्न फिडरमा आवश्यकताअनुसार विद्युत आपूर्ति बन्द गरेर प्राविधिक काम गरिनेछ।
आयोजना व्यवस्थापन निर्देशनालयअन्तर्गतको लप्सीफेदी तथा चाँगुनारायण सबस्टेसन निर्माण आयोजनाले टेकु सबस्टेसनको ११ केभी प्यानलमा रहेका पुराना रिले हटाएर नयाँ रिले जडान गर्न लागेको हो।
यससँगै रिले रेट्रोफिट तथा एसएएस अर्थात् सबस्टेसन अटोमेसन सिस्टम जडान र परीक्षणको कामसमेत गरिने प्राधिकरणले जनाएको छ।
उक्त कामका कारण टेकु सबस्टेसनबाट विद्युत आपूर्ति हुने विभिन्न वितरण केन्द्रअन्तर्गतका फिडर प्रभावित हुनेछन्। त्यससँग जोडिएका काठमाडौंका विभिन्न क्षेत्रमा विद्युत सेवा केही समय अवरुद्ध वा प्रभावित हुन सक्नेछ।
.gif)
.gif)
यद्यपि, सबै क्षेत्रमा एकै समयमा विद्युत बन्द हुने अवस्था नरहेको प्राधिकरणले स्पष्ट पारेको छ। प्रभावित हुने फिडर र प्राविधिक कामको प्रकृतिअनुसार विद्युत बन्द हुने समय फरक–फरक हुनेछ।
प्राधिकरणका अनुसार असोज १४ गतेसम्म आवश्यकताअनुसार सम्बन्धित फिडरमा विद्युत आपूर्ति रोकेर नयाँ रिले जडान, परीक्षण तथा अटोमेसनसम्बन्धी काम सम्पन्न गरिनेछ।
प्राधिकरणले कामका क्रममा उपभोक्तालाई पर्न सक्ने असुविधाप्रति क्षमा माग्दै निर्धारित तालिकाअनुसार काम सम्पन्न गर्न सहयोग गर्न आग्रह गरेको छ।
प्राविधिक काम पूरा भएपछि प्रभावित क्षेत्रमा विद्युत आपूर्ति पुनः नियमित गरिनेछ। विद्युत प्रणालीलाई थप सुरक्षित, भरपर्दो र आधुनिक बनाउन पुराना उपकरण विस्थापन गरी नयाँ प्रणाली जडान गर्न लागिएको प्राधिकरणले जनाएको छ।
(1).gif)
.png)
.gif)
.jpg)
.jpeg)
.gif)
(1).gif)
.gif)
.gif)
(2).gif)
(1).gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।