नेप्सेको सिस्टमबारे अन्योल कायमै, भोलिको कारोबार अझै अनिश्चित

काठमाण्डौ । नेपाल स्टक एक्सचेन्ज (नेप्से)को प्रणालीमा देखिएको समस्या समाधान भएको दाबी गरिए पनि भोलिदेखि सेयर कारोबार सञ्चालन हुने विषयमा अझै अन्योल कायम छ।

स्टक ब्रोकर्स एसोसिएसनका कोषाध्यक्ष मदन पौडेलले सोमबार बेलुकासम्म प्रणाली सञ्चालनमा ल्याउन सकिने जानकारी आएको बताए। एसोसिएसनका पूर्वअध्यक्ष भरत रानाभाटले भने समस्या समाधान भइसकेकाले भोलिदेखि बजार सञ्चालन हुने जानकारी प्राप्त भएको बताएका छन्।

तर, नेप्सेका प्रवक्ता मुराहरि पराजुलीले साँझ ५ बजेसम्म भोलि बजार खुल्ने वा नखुल्ने निश्चित नभएको बताए। उनका अनुसार समस्या समाधान भए–नभएको विषयमा नेप्सेलाई आधिकारिक जानकारी प्राप्त भइसकेको छैन।