वर्षाका कारण खेल रद्द : श्रीलंका सेमिफाइनलमा, नेपालको यात्रा क्वार्टरफाइनलमै रोकियो

काठमाडौं । जापानमा जारी एसियाली खेलकुदअन्तर्गत पुरुष क्रिकेटको क्वार्टरफाइनलमा नेपाल र श्रीलंकाबीच तय भएको खेल वर्षाका कारण रद्द भएको छ।

बिहान ५:४५ बजे सुरु हुने भनिएको खेल लगातार वर्षा भएपछि टससमेत हुन सकेन। खेल रद्द भएसँगै उच्च वरीयताका आधारमा श्रीलंकाले सेमिफाइनलमा स्थान बनाएको छ भने नेपालको यात्रा क्वार्टरफाइनलमै रोकिएको छ।

नेपाल एसियाली खेलकुदको पुरुष क्रिकेटमा चौथोपटक क्वार्टरफाइनलबाट बाहिरिएको हो। यसअघि सन् २०१०, २०१४ र २०२२ मा पनि नेपाल अन्तिम आठभन्दा अगाडि बढ्न सकेको थिएन।

समूह चरणमा नेपालले अफगानिस्तानलाई पराजित गरेको थियो भने जापानविरुद्धको खेल वर्षाका कारण नतिजाविहीन भएपछि अंक बाँडेको थियो।