अन्तर्राष्ट्रिय बजारमा सुनको मूल्यमा ठूलो गिरावट

काठमाडौं। अन्तर्राष्ट्रिय बजारमा सुनको मूल्यमा ठूलो गिरावट आएको छ। आज अन्तर्राष्ट्रिय बजारमा सुनको मूल्य १०५ अमेरिकी डलर अथार्त २.६० प्रतिशतले गिरावट आएको हो।  

यससँगै सुनको मूल्य प्रतिऔंस करिब ३ हजार ८९० अमेरिकी डलरको आसपासमा कारोबार भइरहेको छ। यो पछिल्ला केही महिनायताकै न्यून स्तर हो। 

अमेरिकी डलर बलियो हुनु, केन्द्रीय बैंकले ब्याजदर थप बढाउने अपेक्षा र तेलको मूल्यमा भएको वृद्धिका कारण सुनको मूल्यमा गिरावट आएको अन्तर्राष्ट्रिय सञ्चार माध्यमले उल्लेख गरेका छन्।