प्रतिऔंस ३६ डलरले बढ्दै सुनको मूल्य २ महिनाकै उच्च, कति पुग्यो भाउ ?

Gold
शुक्रबार, असार २८,२०८१ 09:10:54

काठमाण्डौ । आज अन्तराष्ट्रिय बजारमा सुनको मूल्य व्यापक वृद्धि भएको छ । आज सुनको मूल्य १.५२ प्रतिशत अर्थात प्रतिऔंस ३६.२२ डलरले बढेको छ ।

यो समाचार तयार पार्दासम्म अन्तराष्ट्रिय बजारमा सुनको मूल्य प्रतिऔंस २ हजार ४०९ डलरमा कारोबार भईरहेको छ । यो मूल्य गत मे २२ पछिकै उच्च हो ।

आज चाँदीको मूल्य पनि बढेको छ । चाँदीको मूल्य १.१८ प्रतिशत अर्थात प्रतिऔंस ०.३६ डलरले बढेको छ । चाँदीको मूल्य प्रतिऔंस ३१.२२ डलरमा कारोबार भईरहेको छ ।

गत साता अमेरिकी आर्थि प्रतिवेदनमा अमेरिकी उपभोक्ता मूल्यमा आएको कमीका कारण अन्तराष्ट्रिय बजारमा सुनको मूल्य वृद्धि भईरहेको छ । यो परिदृश्यका कारण अमेरिकी केन्द्रीय बैंकले ब्याजदरमा कटौति गर्ने सम्भावना बढाईदिएको छ । यसका साथै अमेरिकी डलर कमजोर बन्दा समेत सुनको मूल्यवृेद्धिलाई टेवा पुगिरहेको छ ।

नेपाली बजारमा भने छापावाला सुनको मूल्य प्रतितोला १ लाख ४४ हजार ९ सय रुपैयाँ र तेजावी सुनको मूल्य १ लाख ४४ हजार २ सय रुपैयाँमा कारोबार भईरहेको छ ।