.gif)
_(1).gif)
.png)
काठमाण्डौ । एमाले अध्यक्ष केपी शर्मा ओलीले सकेसम्म सबै मन्त्रीहरुलाई सोमबार नै सपथ गराउने तयारी गरेका छन् ।
कांग्रेसको समर्थनमा आफू नेतृत्वको सरकार निर्माणका लागि राष्ट्रपतिसमक्ष दाबी पेश गरेका ओली आइतबार साँझ प्रधानमन्त्रीमा नियुक्त हुँदैछन् ।
संविधानको धारा ७६ को उपधारा २ अनुसार ओलीलाई राष्ट्रपति कार्यालयले आज नियुक्त गर्र्दैछ ।
(1).gif)
राष्ट्रपतिले प्रधानमन्त्रीमा दाबी गर्ने समयसीमा आज(आइतबार) ५ बजेसम्म तोकेकोले त्यसलगत्तै ओलीको नियुक्ति हुनेछ ।
ओली आज चौथोपटक नेपालको प्रधानमन्त्री बन्न लागेका हुन् ।
ओलीको सपथ भने सोमबार बिहान ११ बजेलाई राखिएको राष्ट्रपति कार्यालयले जनाएको छ ।
ओलीले आफ्नो सपथलगत्तै मन्त्रीपरिषद विस्तार गर्ने र सकेसम्म सबै मन्त्रीहरुलाई सोमबार नै सपथ गराउने तयारी गरेका कारण उनको सपथ पनि सोमबार नै सारिएको स्रोतको भनाई छ ।
ओली नेतृत्वको सरकारमा एमालेबाट उपप्रधान तथा अर्थमन्त्रीको रुपमा विष्णु पौडेल नियुक्त हुने निश्चित भइसकेको छ ।
कांग्रेसबाट भने प्रकाशमान सिंहले सरकारमा नेतृत्व गर्नेछन् । उनले उपप्रधान तथा सहरी विकास मन्त्रालयको जिम्मेवारी पाउन सक्छन् ।
कांग्रेस सभापति शेरबहादुर देउवाका विश्वासपात्र रमेश लेखक ओली नेतृत्वको सरकारमा गृहमन्त्री बन्नेछन् ।
यस्तै, देउवा पत्नी तथा कांग्रेस केन्द्रीय सदस्य आरजू राणा(देउवा) परराष्ट्रमन्त्री बन्ने निश्चित भइसकेको स्रोतहरुको दाबी छ ।
ओली नेतृत्वको सरकारमा कांग्रेसले १० र एमालेले ९ मन्त्रालय पाउनेछन् ।
कांग्रेसबाट सहमहामन्त्री जीवन परियार, सांसद अजय चौरासिया, किशोरसिंह राठौर, प्रदीप पौडेल, चन्द्र भण्डारी, लगायतको मन्त्री बन्ने सम्भावना छ ।
एमालेबाट विष्णु पौडेल बाहेक योगेश भट्टराई, विद्या भट्टराई, पृथ्वी सुब्बा गुरुंग, सूर्य थापा, छविलाल विश्वकर्मा लगायतका नेताहरु मन्त्री बन्ने दौडमा छन् ।
असार २८ गते प्रधानमन्त्री पुष्पकमल दाहालले प्रतिनिधिसभामा विश्वासको मत लिन खोजेका थिए । सो क्रममा उनले विश्वास मत नपाएपछि सरकार ढलेको थियो । योसँगै नयाँ सरकार गठनको बाटो खुलेको थियो ।
कांग्रेस र एमालेले ओली नेतृत्व सरकार गठनका लागि शुक्रबार नै शितल निवासमा दाबी पेश गरेका थिए । उनीहरुले सोही दिन नै प्रम नियुक्तिका लागि जोडबल गरे पनि शितल निवासले भने आइतबार साँझ ५ बजेसम्मको समयसीमा घर्किएपछि मात्र नियुक्ति गर्ने प्रष्टीकरण दिएपछि प्रक्रिया केही ढिलो हुन पुगेको हो ।
.gif)
.png)
.jpg)
.jpg)
.gif)
(1).gif)
.gif)
