.gif)
_(1).gif)
.png)
काठमाण्डौ । मोदी इनर्जी लिमिटेडले चालु आर्थिक वर्षको दोस्रो त्रैमाससम्म १९ करोड बढी घाटा व्यहोरोको छ । कम्पनीले सार्वजनिक गरेको अपरिष्कृत वित्तीय विवरण अनुसार कम्पनीले समीक्षा अवधिसम्म १९ करोड ८६ लाख ६८ हजार रुपैयाँ घाटा व्यहोरेको हो ।
अघिल्लो आवको सोहि अवधिसम्म कम्पन्रीको घाटा ४६ करोड ६४ लाख रुपैयाँ थियो । यसरी कम्पनीले समीक्षा अवधिसम्म ५७.२५ प्रतिशतले घाटा कम गर्न सफल भएको छ ।
कम्पनीले समीक्षा अवधिसम्म बिद्युत बिक्रीमार्फत १७ करोड ७७ लाख रुपैयाँ आर्जन गरेको छ । जुन अघिल्लो आवको तुलनामा ५०.८६ प्रतिशतले कम हो । अघिल्लो आवको दोस्रो त्रैमाससम्म कम्पनीले विद्युत बिक्रीबाट ३६ करोड १७ लाख रुपैयाँ कमाएको थियो ।
यो अवधिसम्म कम्पनी प्रशासनिक तथा वितरण खर्च घटाउन सफल भएको छ । कम्पनीको यस्तो खर्च २१ लाख ८९ हजार रुपैयाँ रहेको छ । जुन अघिल्लो आवको ६६ लाख २१ हजारको तुलनामा ६६.९३ प्रतिशतले कम हो ।
कम्पनीको वित्त खर्च पनि ५६.९८ प्रतिशतले घट्दै २ करोड १० लाख रुपैयाँमा सीमित भएको छ । कम्पनीको सञ्चालन मुनाफामा ४९.८६ प्रतिशतको गिरावट आएको छ । कम्पनीको सञ्चालन मुनाफा १४ करोड ४१ लाख रुपैयाँ रहेको छ । कम्पनीको रिर्जभ ९१ करोड ९६ लाख रुपैयाँ ऋणात्मक अवस्थामा छ ।
समीक्षा अवधिसम्म कम्पनीको प्रतिसेयर आम्दानी(वार्षिक इपीएस)१३.७० रुपैयाँले ऋणात्मक,प्रतिसेयर बजार मूल्य २३९ रुपैयाँ, मूल्य आम्दानी अनुपात १७.४४ गुणा ऋणात्मक र प्रतिसेयर नेटवर्थ ६८.३९ रुपैयाँ कायम भएको छ ।
.gif)
.png)
(1)(1).jpg)
(2).jpg)
(1).png)
.gif)
.gif)
.gif)
