.gif)
_(1).gif)
.png)
काठमाण्डौ । चिलिमे जलविद्युत कम्पनी लिमिटेडले ६५ करोड २९ लाख रुपैयाँ खुद नाफा आर्जन गरेको छ । कम्पनीले गत आवको चौथौ त्रैमाससम्ममा आर्जन गरेको यो मुनाफा अघिल्लो आवको तुलनामा ०.५७ प्रतिशतले मात्रै बढी हो ।
अघिल्लो आवको चौथौ त्रैमाससम्म कम्पनीले ६४ करोड ९२ लाख रुपैयाँ खुद नाफा कमाएको थियो । कम्पनीको विद्युत बिक्री आम्दानीमा भने कमी आएको छ । अघिल्लो आवको चौथो त्रैमाससम्ममा १ अर्ब १२ करोड ८६ लाख रुपैयाँ विद्युत बिक्रीमार्फत कमाएको कम्पनीले समीक्षा अवधिसम्म भने १ अर्ब १२ करोड ५४ लाख रुपैयाँ कमाएको छ । यसरी कम्पनीको विद्युत बिक्री आम्दानीमा ०.२८ प्रतिशतको गिरावट आएको छ ।
(1).gif)
कम्पनीले उक्त अवधिसम्म विद्युत प्लान्ट सञ्चालनका लागि १५ करोड ५७ लाख रुपैयाँ र ५ करोड ६६ लाख रुपैयाँबराबरको प्रशासनिक खर्च गरेको छ । कम्पनीको सञ्चालन खर्च ७० करोड ८१ लाख रुपैयाँ रहेको छ ।
७ अर्ब ९८ करोड रुपैयाँ चुक्तापूँजी भएको कम्पनीले २ अर्ब ८० करोड रुपैयाँ रिटेन्ड अर्निङका लागि छुट्टाएको छ । कम्पनीको कुल चालु सम्पत्ति २ अर्ब ३७ करोड रुपैयाँ र कुल चालु दायित्व १६ करोड ९९ लाख रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)८.१० रुपैयाँ, प्रतिसेयर नेटवर्थ १३५.१९ रुपैयाँ, प्रतिसेयर कुल सम्पत्तिको मूल्य १४२.०९ रुपैयाँ, तरलता अनुपात १३.९९ प्रतिशत र मूल्य आम्दानी अनुपात ५७.४३ गुणा कायम भएको छ ।
.gif)
.png)
.jpg)
.jpg)
(1).jpg)
(1)(1)(1).jpg)
.gif)
.gif)
.gif)
.gif)