बीमाशुल्क आर्जनसँगै बढ्यो प्रभु महालक्ष्मी लाइफको खुद नाफा

काठमाण्डौ । प्रभु महालक्ष्मी लाइफ इन्स्योरेन्स कम्पनी लिमिटेडको खुद नाफा र खुद बीमाशुल्क आर्जन बढेको छ । कम्पनीले चालु आवको पहिलो त्रैमाससम्म  १२ करोड ६२ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने कम्पनीले १० करोड ३ लाख रुपैयाँबराबरको खुद नाफा आर्जन गरेको थियो । यसरी कम्पनीको खुद नाफा २५.७३ प्रतिशतले बढेको छ ।  

कम्पनीले समीक्षा अवधिसम्म १ अर्ब १७ करोड रुपैयाँबराबरको खुद बीमाशुल्क आर्जन गरेको छ । जुन अघिल्लो आवको सोही अवधकिो तुलनामा ४.१८ प्रतिशतले धेरै हो । कम्पनीले अघिल्लो आवको पहिलो त्रैमाससम्ममा १ अर्ब १२ करोड रुपैयाँबराबरको खुद बीमाशुल्क आर्जन गरेको थियो । 

यो अवधिमा कम्पनीले अन्य प्रत्यक्ष आम्दानी स्वरुप ५९ लाख १९ हजार ,लगानी तथा कर्जा आम्दानीमार्फत ३० करोड ४४ लाख र बीमितलाई प्रदान गरिएको कर्जाबाट ३ करोड १७ लाख रुपैयाँ ब्याज आम्दानी गरेको छ ।  

कम्पनीको कुल आम्दानी १ अर्ब ५७ करोड रुपैयाँ रहेको छ । पहिलो त्रैमाससम्म कम्पनीले १ अर्ब १५ करोड रुपैयाँबराबरको खुद दाबी भुक्तानी गरेको छ । अघिल्लो वर्ष भने कम्पनीले १ अर्ब २ करोड रुपैयाँबराबरको खुद दाबी भुक्तानी गरेको थियो ।  

पहिलो त्रैमाससम्म कम्पनीले १ अर्ब ४५ करोड रुपैयाँबराबरको कुल खर्च गरेको छ । कम्पनीको महाविपत्ती कोषको आकार ९ करोड ६९ लाख र रिटेन्ड अर्निङ ६२ करोड २५ लाख रुपैयाँबराबर रहेको छ ।  

कम्पनीको प्रतिसेयर आम्दानी १०.६९ रुपैयाँ, प्रतिसेयर नेटवर्थ ११९.३४ रुपैयाँ, प्रतिसेयर कुल सम्पत्तिको मूल्य २६६.८२ रुपैयाँ र पीई अनुपात ५३.५५ गुणा कायम भएको छ ।