जस्मिन पेन्ट्सले एनपीएलका प्रत्येक चौका र छक्कामा वृक्षारोपण गर्ने

काठमाण्डौ । जस्मिन पेन्ट्सले काठमाण्डौमा जारी ‘नेपाल प्रिमयिर लिग(एनपीएल) मा प्रहार हुने प्रत्येक चौका र छक्कामा वृक्षारोपण गर्ने भएको छ । कम्पनीले एनपीएलमा प्रहार हुने हरेक चौकामा १ वटा तथा छक्कामा २ वटा का दरले हजारौं बोटबिरुवाहरु वृक्षारोपण गर्ने भएको हो ।

कम्पनीले आफ्नो सामाजिक उत्तरदायित्व अन्तर्गत सो कार्य गर्न लागेको हो । कम्पनीले सामाजिक उत्तरदाईत्व बहन गर्ने उदेश्यले बिगतमा विभिन्न सेवा मुलक कार्यहरु गर्दै आईरहेको र खेल क्षेत्रको विकासका लागि विभिन्न सहयोग प्रदान गर्दै आईरहेको उल्लेख गरेको छ ।

कम्पनीले बागमती क्रिकेट एसोसिएसनका निर्देशक अनिल अधिकारिको संयोजकत्वमा वृक्षारोपण गर्ने तयारी गरेको जनाएको छ ।