भारतमा तहल्का पिट्दै तीनपाङ्ग्रे कार, ३० हजार युनिट बुकिङ

काठमाण्डौ । भारतमा जेनसोलले ‘ईजिओ’ तथा ईजीबोट गरी दुईवटा ईभी सवारी साधन उत्ताने तयारी गरेको छ । ईजिओ तीनपाङ्ग्रा भएको एउटा सानो ईभी कार हो । त्यस्तै ईजीबोटलाई कम्पनीले कार्गो सवारी साधनको रुपमा तयार गरेको छ ।  

जसको प्रयोग बीटुबी बिजनेशका लागि गरिने जनाइएको छ । ईटी अटोको रिपोर्टका अनुसार यी दुवै सवारी साधनको ३० हजार युनिटका लागि कम्पनीले प्रि–अर्डर पाईसकेको छ । कम्पनीले ईजिओलाई यो वर्षको दोस्रो त्रैमासमा लञ्च गर्ने जनाएको छ । यसलाई सुरुवातमा बैंग्लोर र पछि दिल्ली जस्ता अन्य शहरहरुमा लञ्च गर्ने योजना कम्पनीको रहेको छ ।  

त्यस्तै कार्गो भेरियन्ट ईजीबोटलाई पनि सन् २०२६ सम्म बजारमा उत्तार्ने योजना कम्पनीको रहेको छ । जेनसोलले यी दुवै सवारी साधनलाई चुनौतिपूर्ण मौसममा परीक्षण गरिएको जनाएको छ । यी सवारी साधनलाई उग्र गर्मीदेखि लिएर मनसुनी मौसमसम्म परीक्षण गरिएको छ ।  

यी दुवै कारमा एलएफपी(लिथियम आयरन फोस्फेट)ब्याट्रीको प्रयोग गरिएको छ । कम्पनीले यो ब्याट्रीमा ३ हजार चार्ज साइकल रहेको जनाएको छ । यसअघि भने ८ सयदेखि १ हजारसम्मको साइकल हुने गर्थ्यो ।  

कस्तो छ ईजिओ ईभी कार ?

यो कार तिनपाङ्ग्रा भएको कार हो । यसको लम्बाई ३ हजार ३५ मिमि, चौडाई १ हजार ५५० मिमि,उचाई १ हजार ६७५ मिमि र ह्वीलबेस २ हजार ५० मिमि रहेको छ । कम्पनीले यो कारमा २५० लिटरको बुट–स्पेश पनि दिइएको जनाएको छ । यो कारमा दुईजना मात्रै बस्ने मिल्छ ।  

पावर, पर्फरमेन्स र रेञ्ज

जेनसोल ईजिओमा कम्पनीले १४.५ किलोवाट क्षमताको ईभी मोटर प्रयोग गरेको छ । जसलाई १६.७ किलोवाट क्षमताको लिथियम आयरन फोस्फेट ब्याट्रीसँग जोडिएको छ । यो कारको उच्च गति ८० किलोमिटर प्रतिघण्टा रहेको र सिंग्ल चार्जमा यो कार २ सय किमीभन्दा बढी ड्राईभिङ रेञ्ज दिन्छ । यो कारमा एउटा मोनोरुफ पनि दिइएको छ । जुन क्याबिनलाई अझै सुन्दर बनाइएको छ ।  

कम्पनीले फास्ट चार्जिङबाट यो कारको ब्याट्रीलाई केवल २ घण्टामा चार्ज गर्न सकिने जनाएको छ । यस्तै स्लो चार्जरबाट फूल चार्ज गर्न करिब ५ देखि ६ घण्टा लाग्छ ।