यसपटकको नाडा अटो शो केही फरक हुनेछः अध्यक्ष चौधरी

काठमाडौ । नेपाल अटो मोवाइल्स संघ (नाडा)का अध्यक्ष करण चौधरीले यसपटकको अटो शो अरु वर्षको भन्दा केही भिन्न रहने बताएका छन ।  

ललितपुरमा आयोजित प्रेस सम्मेलनमा बोल्दै अध्यक्ष चौधरीले यसपटकको शो मा फ्युचर मोबिलिटीलाई विशेष प्राथमिकता दिइने बताए ।

साथै नाडा अहिले छुट्टै युगमा रहेको र नाडाले ५० वर्ष प्रवेश गरेको उनले बताए । 'नाडा ५०औं वर्षमा प्रवेश गरेको छ , यो समयमा हामीले धेरै चूनौतीको सामना गर्यौ, नाडाले यो समयसम्म आइपुग्दा अटो क्षेत्रमा छुट्टै योगदान दिएको छु' उनले भने, 'नाडा अटो शो एउटा चाड हो, यसलाई प्रदर्शनी मात्र भन्दा होच्याएको जस्तो अनुभव हुन्छ ।'

साथै यसपटकको नाडा अटो शो ले दूरदर्शी सोंच लिएको उनले बताए । 'यसपटकको नाडा अटो शोले छुट्टै दूरदर्शी सोच लिएको छ, नाडाबाट मोबिलिटी फ्युचर र टेक्नोलोजी भनेको के हो त्यो आभास हुन्छ' उनले भने, 'नाडा अटो शो मात्र नभइ सहभागी सम्पूर्णलाई आत्मियताको फिल गराउन चाहान्छु ।'

योसँगै फ्युचरलाई कसरी इम्ब्रेस गर्ने भन्ने कुराको शोमार्फत अनुभव गराउने उनले बताए । 'यसपटकको नाडा अटो शो भिन्न गर्न खोजेका छौ' उनले भने,'नेपालको कल्चर र बिजनेसलाई मिक्स गरेर सो प्रदर्शन गर्नेछौँ।'