लगानीकर्तालाई राम्रो प्रतिफल दिएको सूर्यज्योति लाइफले कर्मचारीका लागि १३७% ले बढायो बोनस

काठमाण्डौ । लगानीकर्तालाई २० प्रतिशत लाभांश बाँडेको सूर्यज्योति लाइफ इन्स्योरेन्सले आफ्ना कर्मचारीलाई बाँड्ने बोनस १३७.१२ प्रतिशतले बढाएको छ ।  

कम्पनीले गत आर्थिक वर्षको मुनाफाबाट सेयरधनी तथा लगानीकर्तालाई २० प्रतिशत नगद लाभांश वितरण गरेको छ, जुन यो बीमा क्षेत्रमा उत्कृष्ट लाभांश मान्न सकिन्छ ।  

कम्पनीले गत आर्थिक वर्षमा ११ करोड ७० लाख २८ हजार रुपैयाँ बोनस वितरण गरेको छ । जुन यो अघिल्लो आवको तुलनामा १३७.१२ प्रतिशत बढी हो । अघिल्लो आवमा कम्पनीले कर्मचारीलाई ४ करोड ९३ लाख ५३ हजार रुपैयाँ मात्रै बोनस बाँडेको थियो ।  

यसका साथै कम्पनीले कर्मचारीको तलब भने १२.०३ प्रतिशतले वृद्धि गरेको छ । गत आवमा कम्पनीले कर्मचारीहरुलाई २२ करोड २८ लाख ८८ हजार रुपैयाँ तलब वितरण गरेको छ । अघिल्लो आवमा भने कम्पनीले १९ करोड ८९ लाख ५२ हजार रुपैयाँ मात्रै तलब बाँडेको थियो ।  

साथै कम्पनीले चाडपर्व भत्ता बापत २ करो ९३ लाख रुपैयाँ खर्च गरेको छ । यो रकम अघिल्लो आवको तुलनामा ४५.३८ प्रतिशत बढी हो । अघिल्लो आवमा कम्पनीले यस्तो शिर्षकमा २ करोड २ लाख रुपैयाँ मात्रै खर्च गरेको थियो ।  

त्यस्तै, सेवा बापत कम्पनीले ३८ लाख रुपैयाँ र विदा खर्चबापत २ करो ९१ लाख रुपैयाँ खर्च गरेको छ । अघिल्लो आवमा कम्पनीले यस्तो शिर्षकमा रकम छुट्याएको थिएन ।  

यसबाहेक सूर्यज्योतिले सामाजि सुरक्षा कोष शिर्षकमा २ करोड ६३ लाख ८९ हजार रुपैयाँ खर्च गरेको छ । यो रकम पनि अघिल्लो आवको तुलनामा ४।३६ प्रतिशत बढी हो । अघिल्लो आवमा कम्पनीले यस्तो शिर्षकमा २ करोड ५२ लाख रुपैयाँ छुट्याएको थियो ।  

त्यस्तै, सेवा खर्च शिर्षकमा ९७ लाख ३९ हजार, विदा खर्चमा १ करोड २ लाख रुपैयाँ, टर्मिनेशन बेनिफिट शिर्षकमा २ करोड ३७ लाख रुपैयाँ, तालिम खर्च बापत ७२ लाख ७१ हजार, युनिफर्म खर्च २७ लाख ९९ हजार, कर्मचारीको बीमा सुविधाका लागि १ करोड ३९ लाख ९१ हजार, स्टाफ वेलफेयरका लागि १६ लाख ६ हजार, स्टाफ इन्सेन्टिभका लागि ८७ लाख ५८ हजार, अन्य सुविधाहरु बापत १८ लाख ८३ हजार, आउटसोर्स स्टाफ एक्सपेन्सेसमा १ करोड ९७ लाख  रुपैयाँ र अमोरटाइजेसन अफ प्रिपेड स्टाफ बेनिफिट एक्सपेन्सेसमा १ करोड ३५ लाख ६६ हजार रुपैयाँ खर्च गरेको छ ।  

यसरी गत आवमा कम्पनीले विभिन्न शिर्षकहरुमा कर्मचारी सेवा सुविधाका लागि कुल ७२ करोड ४९ लाख ६९ हजार रुपैयाँ खर्च गरेको छ । यो रकम अघिल्लो आवको तुलनामा १५.७७ प्रतिशत बढी हो । अघिल्लो आवमा कम्पनीले कर्मचारी सुविधाका लागि ६२ करोड ६२ लाख ४१ हजार रुपैयाँ खर्च गरेको थियो ।