नारायणी डेभलपमेन्ट बैंक अब नयाँ स्थान र भवनबाट सञ्चालनमा आउने

काठमाण्डौ । नारायणी डेभलपमेन्ट बैंक लिमिटेड नयाँ स्थान र भवनबाट सञ्चालनमा आउने भएको छ । बैंकको केन्द्रिय कार्यालय भरतपुर महानगरपालिका–१० वाइपासरोडस्थित जिल्ला सहकारी सघं चितवनको आधुनिक नवनिर्मित भवनमा स्थानान्तरण हुन लागेको हो ।  

नवनिर्मित भवनमा स्थानान्तरण गर्नका लागि आवश्यक भौतिक पुर्वाधार समेत तयार भईसकेको र सोको लागि अन्य केही प्रशासनिक कार्य समाप्त भएपश्चात आगामी माघ महिनाभित्रमा बैंकको केन्द्रीय कार्यालय तथा हाल हाकिम चोकस्थित शाखा कार्यालय समेत एकै भवनबाट बैंकिङ सेवा उपलब्ध गराउने तयारी भईरहेको बैंकले जनाएको छ ।  

यो बैंक विसं २०५८ असोज १२ गतेदेखि केन्द्रीय कार्यालय रत्ननगर नगरपालिका–१, बकुलहर, टाँडीमा रही चितवन जिल्लालाई आधार बनाई चितवनको मुख्य–मुख्य पाँच स्थानमा (टाँडी, यज्ञपुरी, भरतपुर, नारायणगढ र पर्सा) शाखा कार्यालयहरु खोली बैंकिङ कारोबार सञ्चालन गर्दै आइरहेको छ ।