टिएमएस गुणस्तरप्रति गम्भीर प्रश्नः नयाँ एक्सचेञ्ज शीघ्र ल्याउन लगानीकर्ताको माग, दोहोरो ब्रोकर कमिसन हटाइनुपर्ने

काठमाण्डौ । लगानीकर्ताहरुले अहिलेको अनलाइन कारोबार प्रणालीप्रति गम्भीर प्रश्न उठाउँदै यसको विकल्प खोज्न धितोपत्र बोर्डलाई सुझाएका छन् ।  

बोर्डले आगामी आर्थिक वर्षका लागि बनाउने नीति तथा कार्यक्रमका लागि आयोजना गरेको छलफल तथा सुझाव संकलन कार्यक्रममा सहभागिता जनाएका लगानीकर्ताहरुले हाल नेप्सेले कार्यान्वयनमा ल्याएको अनलाइन कारोबार व्यवस्थापन प्रणाली गुणस्तरहीन भएको र व्यापक समस्याहरु आइरहेको उल्लेख गर्दै विश्वसनीय तथा अन्तराष्ट्रिय स्तरको प्रविधि भित्र्याउनुपर्नेमा जोड दिएका हुन् । 

नेपाल इन्भेष्टर्स फोरमले बोर्डलाई १३ बुँदे लिखित सुझाव बुझाउँदै नेपालको पूँजीबजारमा प्रयोग भइरहेको हालको अनलाइन प्रणाली अत्यन्त कमजोर र पूर्ण रुपमा स्वचालित नभएकोले नेप्सेको पुनरसंरचना र आधुनिकीकरण गर्दै नयाँ स्टक एक्सचेञ्ज स्थापना प्रक्रिया शीघ्र सम्पन्न गरी प्रतिस्पर्धात्मक वातावरण सिर्जना गर्न माग गरेको छ ।  

फोरमले सेयर खरीद तथा बिक्री गर्दा लाग्दै आएको दोहोरो कमिसन हटाएर एकतर्फी मात्र बनाउनुपर्नेमा समेत जोड दिएको छ । 

यस्तै, उसले बैंक तथा वित्तीय संस्थाले व्यक्तिगततर्फ प्रदान गर्ने ऋणको हालको १५ करोडको सीमालाई खारेज गर्न पहल गर्नुपर्ने माग पनि गरेको छ ।  

यस्तै, बजारलाई चलायमान बनाउन अप्सन मार्केट, फ्यूचर मार्केट, इन्टाडे कारोबार र सर्ट सेलको कारोबार गर्ने व्यवस्था तत्काल लागू गर्न समेत सुझाइएको छ ।  

यस्तै, दोश्रो बजारमा १० कित्ताभन्दा कम रहेको सेयरलाई सहज रुपमा कारोबारको व्यवस्था समेत गरिनुपर्नेमा जोड दिइएको छ।

फोरमले बुझाएको सुझाव यस्तो छः