आइपीओ निष्कासनको तयारीमा रहेको प्रभु हेलिकप्टरले डाक्यो साधारण सभा, यस्ता छन् एजेण्डा

काठमाण्डौ । आइपीओ निष्कासनको तयारीमा रहेको प्रभु हेलिकप्टर लिमिटेडले चौथो वार्षिक साधारण सभा आह्वान गरेको छ ।  

कम्पनीको चैत २ गते बसेको संचालक समितिको बैठकले सभा चैत २७ गते अरण्य बुटिक होटल, नागपोखरी काठमाण्डौमा बिहान १०ः३० बजे बस्ने निर्णय गरेको हो ।  

उक्त सभामा आव २०८१/८२ को वार्षिक प्रतिवेदन उपर छलफल गरी पारित गर्ने, सोही आवको वासलात, नाफा नोक्सान हिसाब, नगद प्रवाह विवरण लगायत वित्तीय विवरणहरु स्वीकृत गर्ने प्रस्ताव पेश गरिनेछ ।  

साथै आव २०८२–८३ को लेखापरीक्षण कार्यको लागि लेखापरीक्षक नियुक्त गर्ने र निजको पारिश्रमिक निर्धारण गर्ने र संचालकको नियुक्ति अनुमोदन गर्ने पनि सभाको एजेण्डा रहेको छ ।  

सभाको विशेष प्रस्तावमा कम्पनीको प्रबन्धपत्र र नियमावली संशोधन गर्ने प्रस्ताव रहेको छ । 

कम्पनीले अंकित मूल्य १०० रुपैयाँ दरमा ६१ करोड २५ लाख रुपैयाँ बराबरको ६१ लाख २५ हजार कित्ता आइपीओ निष्कासन गर्न अनुमति माग्दै नेपाल धितोपत्र बोर्डमा निवेदन पेश गरेको छ ।