.gif)
_(1).gif)
.png)
.png)
काठमाण्डौ । विस २०७८ साल भदौ २ मा उच्च विन्दु कायम गरेको सेयर बजार त्यसपछि भने ३३ महिना लागातार वियरिस ट्रेण्डमा चलेको छ । यो बीचमा बजार ४ पटक २२ सय विन्दु पुग्यो भने ४ पटक नै १८ सय नजिक आयो ।
त्यस पछिको २ वर्षमा भने बजार १८ सय देखि २२ सयबीच साइड वेज चलेको छ । विगत एक वर्षको प्रदर्शनलाई मात्रै नियाल्ने हो भने नेप्से २ पल्ट २२ सय माथि गयो भने एकपटक मात्रै १८ सय नजिक पुग्यो । यो वर्षको अन्तिम कारोबार दिन नेप्से २०२५ को विन्दुमा बन्द भएको छ ।
यहि विषयलाई प्राविधिक रुपमा डाउ थेउरी मार्फत भन्ने हो भने बजारमा हायर–हाई र हाएर लोको सिरिज बन्दै गरेको देखिन्छ । यसो हुनुमा मुख्य २ कारण रहेको देखिन्छ । पहिलो भनेको बजारमा आईपीओ तथा हकप्रदको सेयरले बजार पूँजीकरण बढ्नु हो । गत वर्ष यही अबधिमा बजार पूँजीकरण २८ खर्ब १८ अर्ब रहेकोमा यस वर्षको अन्त्यमा ३२ खर्ब १२ अर्ब रुपैयाँ रहेको छ । यस हिसावले एक वर्षमा बजार करिब ९० अंकले बढ्दा बजार पूँजीकरण ३ खर्ब ९४ अर्ब बढेको छ । अर्को भनेको बजार लामो समय साइड चलेको र करिव ३ वर्षको वियरिष चक्र सकिदैं जाँदा लगानीकर्ताहरुले लगानी थप्दै गरको पनि हुन सक्छ ।
(1).gif)
एक वर्षमा उपसमूहमा अवस्था कस्तो ?
यो अवधिमा १३ वटा उप समूह मध्य २ वटामा रातो पोतिएको छ । ११ वटा उपसमूहका लगानीकर्ताले पूँजीबजारबाट आम्दानी नै गरेको देखिन्छ । जसमा वाणिज्य बैंकका लगानीकर्ताहरुले एक वर्षको अवधिमा करिब १७ प्रतिशतले नोक्सान व्यहोरेको देखिन्छ । त्यस पछि जलविद्युत समूहका लगानीकर्ताहरले करिब साढे २ प्रतिशतले नोक्सानी व्यहोरेका देखिन्छ । यो वर्ष होटल सेक्टरका लगानीकर्ताहरु भने मालामाल भएको अवस्था रहेको छ । यो अवधिमा होटल सेक्टरका लगानीकर्ताहरुले ५५ प्रतिशत आम्दानी गरेका छन् । त्यस पछि उत्पादन तथा प्रशोधन समूहका लगानीकर्ताहरुले करिब ४६ प्रतिशत आम्दानी गरेका छन् ।
आगामी वर्षको सम्भवाना कस्तो ?
नेप्सेको २५ वर्ष भन्दा लामो चार्टलाई नियाल्ने हो भने बजार करिब ४० महिना वियरिस चलेको देखिन्छ । यस हिसाबले बजार यदि त्यही ट्रेण्ड फलो गर्छ भने २०८१ को मंसिर पछि मात्रै बजारको वास्तविक बुल यात्रा तय हुन सक्छ । त्यस अघिसम्म भने बजार १८ सय देखि २२ सय सम्मकै चक्रमा चल्न पनि सक्छ । यद्यपी बजारमा विगतको इतिहास हेर्दा ठूलो बुल आउनु पूर्वको हलचल भने बाँकी नै रहेको देखिन्छ ।
.gif)
.png)
.jpg)
.png)
.gif)
.gif)
