याम्बालिङ्ग हाइड्रोपावरको आइपीओ बाँडफाँड, पौने २ लाखले पाए १० कित्ता सेयर

काठमाण्डौ । याम्बालिङ्ग हाइड्रोपावर लिमिटेडको आइपीओ बाँडफाँड सम्पन्न भएको छ । कम्पनीको आइपीओ आज बिक्री प्रबन्धक मुक्तिनाथ क्यापिटल लिमिटेडको कार्यालयमा बाँडफाँड भएको हो ।  

कम्पनीको आइपीओमा २९ लाख ८२ हजार ४९८ जनाले ३ करोड २४ लाख ७८ हजार २३० कित्ताका लागि आवेदन दिएका थिए । जसमध्ये २९ लाख ३८ हजार ८२ जनाले ३ करोड १९ लाख ५६ हजार ९१० कित्ताका लागि दिएको आवेदन मात्रै सदर भएको छ भने कुल ४४ हजार ४१६ जनाको ५ लाख २१ हजार ३२० कित्ताका लागि परेको आवेदन बदर भएको छ ।  

कुद सदर आवेदन मध्ये १० कित्ताका दरले १ लाख ७४ हजार ३०० जनालाई सेयर बाँडफाँड गरिएको छ भने बाँकी २७ लाख ६३ हजार भन्दा बढीको हात खाली भएको छ ।  

कम्पनीको आइपीओ नतिजा भने केही बेरमा सिडिएस एण्ड क्लियरिङ्ग लिमिटेडले संचालन गरेको वेबसाइटमार्फत वा मेरो सेयर एपबाट हेर्न सकिनेछ ।