.gif)
_(1).gif)
.png)
काठमाण्डौ । कर्णाली डेभलपमेन्ट बैंक लिमिटेडको नाफामा ६६.१८ प्रतिशतको उछाल आएको छ । बैंकले चालु आवको तेस्रो त्रैमाससम्म २ करोड ८८ लाख रुपैयाँ खुद नाफा आर्जन गरेको छ । अघिल्लो आवको सोहि अवधिसम्म भने बैंकको खुद नाफा १ करोड ७३ लाख रुपैयाँमा सीमित थियो ।
खुद नाफा बढेपनि बैंकको खुद ब्याज आम्दानी भने घटेको छ । बैंकले तेस्रो त्रैमाससम्म ८ करोड ३१ लाख रुपैयाँ खुद ब्याज आम्दानी गरेको छ । जुन अघिल्लो आवको सोहि अवधिको १० करोड १९ लाखको तुलनामा १८.४६ प्रतिशतले कम हो ।
बैंकको खुद सञ्चालन आम्दानी भने बढेको छ । बैंकको खुद सञ्चालन आम्दानी ११.४६ प्रतिशतले वृद्धि हुँदै ११ करोड ५ लाख रुपैयाँ पुगेको छ । बैंकको कर्मचारी खर्च ४ करोड ३५ लाख र अन्य सञ्चालन खर्च ३ करोड ८१ लाख रुपैयाँ रहेको छ । बैंकको इम्पेयरमेन्ट चार्ज २ करोड १२ लाख रुपैयाँले ऋणात्मक छ । बैंकको खराब बर्जा अनुपात ३.२६ प्रतिशतबाट बढेर ४.९६ प्रतिशत पुगेको छ ।
(1).gif)
यस्तै बैंकको रिटेन्ड अर्निङ २ करोड ५१ लाख रुपैयाँले ऋणात्मक छ भने रिजर्भको अकार भने ६ करोड ८७ लाखबाट घटेर ५ करोड ३५ लाख रुपैयाँमा सीमित बनेको छ ।
तेस्रो त्रैमाससम्म बैंकले ४ अर्ब ६८ करोड रुपैयाँबराबरको निक्षेप संकलन गरेको छ । यो अवधिसम्म बैंकले ३ अर्ब ४० करोड रुपैयाँबराबरको कर्जा प्रवाह गरेको छ । बैंकको वितरणयोग्य मुनाफा २ करोड ५१ लाख रुपैयाँले ऋणात्मक अवस्थामा छ ।
समीक्षा अवधिसम्म बैंकको प्रतिसेयर आम्दानी(ईपीएस) वृद्धि भएको छ । अघिल्लो आवको तेस्रो त्रैमाससम्म ३.४५ रुपैयाँ रहेको ईपीएस बढेर ५.७३ रुपैयाँ पुगेको छ । बैंकको प्रतिसेयर नेटवर्थ १०५.७५ रुपैयाँ,प्रतिसेयर कुल सम्पत्तिको मूल्य १ हजार ४९.७४ रुपैयाँ,मूल्य आम्दानी अनुपात ७१.५६ गुणा र तरलता अनुपात ३२.२४ प्रतिशत कायम भएको छ ।
.gif)
.png)
.jpg)
.jpg)
(1).jpg)
.gif)
(1).gif)
.gif)
