सर्वसाधारणका लागि प्रभु महालक्ष्मी लाइफको १८.९९ लाख संस्थापक सेयर बिक्रीमा

काठमाण्डौ । प्रभु महालक्ष्मी लाइफ इन्स्योरेन्स कम्पनी लिमिटेडले संस्थापक सेयर बिक्रीमा राखेको छ । कम्पनीले विभिन्न संस्थापक सेयरधनीहरुको स्वामित्वमा रहेको १८ लाख ९९ हजार २४१ कित्ता संस्थापक सेयर आजदेखि बिक्रीमा राखेको हो ।  

सेयर खरिदका लागि जो सुकै व्यक्ति तथा कम्पनीले खरिद आवेदन दिन सक्नेछन् ।

इच्छुक लगानीकर्ताले सूचना प्रकाशित भएको ७ दिनभित्र आवेदन दिनु पर्नेछ । बोलपत्र आवेदन पेश गर्दा सम्पूर्ण कित्ताका लागि दिनुपर्नेछ । यस्तो आवेदन काठमाण्डौको कमदालीमा रहेको कम्पनीको कार्यालयमा दिनुपर्नेछ ।

यसअघि गत वैशाख १५ गते ३५ दिने सूचाा निकाली विद्यमान संस्थापक सेयरधनीहरुका लागि बिक्रीमा राखिएकोमा कुनै आवेदन प्राप्त नभएकाले अब आम सर्वसाधारणका लागि बिक्री खुलाइएको कम्पनीले जनाएको छ ।