नारायणी डेभलपमेन्ट बैंकको वित्तीय अवस्था जोखिम, दायित्व चुलियो

काठमाण्डौ । नारायणी डेभलपमेन्ट बैंकको  वित्तीय अवस्था झनै कमजोर बन्दै गएको छ ।  

क्रेडिट रेटिङ एजेन्सी इक्रा नेपालले  नारायणी डेभलपमेन्ट बैंकलाई विगतमा प्रदान गरेको [ICRANP-IR] C+ निष्कासनकर्ता रेटिङ्ग पुनपुष्टि गरेको छ ।  

यस्तो रेटिङ्ग पाउने कम्पनीहरु समयमा वित्तीय दायित्व पुरा गर्न नसक्ने वा दायित्व पुरा गर्न चुक्ने सम्बन्धमा ज्यादै उच्च जोखिम रहेका मान्निछन् ।

साथै यस्तो कम्पनीको नगद प्रवाह, नाफा वा ऋण तिर्ने क्षमता दबाबमा रहेको बुझिन्छ ।  

वित्तीय अवस्था बिग्रदै गएपछि बैंकले ठूलो घाटाको सामना गर्नुपरेको छ । नेपाल राष्ट्र बैंकका अनुसार चालु आवको १० महिनासम्ममा नारायणी डेभलपमेन्ट बैंकले साढे ५ करोड रुपैयाँ घाटा ब्यहोरेको छ ।