याम्बालिङ्ग हाइड्रोपावर ५ करोड ३३ लाख घाटामा, आईपीओ निष्कासन खर्च ६२.९६ लाख

काठमाण्डौ । याम्बालिङ्ग हाइड्रोपावर लिमिटेड घाटामा गएको छ । खर्च बढ्दा कम्पनी गत आवको चौथो त्रैमाससम्म ५ करोड ३३ लाख रुपैयाँ खुद घाटामा गएको हो । अघिल्लो आवको सोही अवधिसम्म भने कम्पनी ३ करोड ९२ लाख रुपैयाँ खुद नाफामा थियो ।

कम्पनीको विद्युत बिक्री आम्दानी भने बढेको छ । अघिल्लो आवको चौथो त्रैमाससम्म विद्युत बिक्रीबाट १५ करोड ६३ लाख आर्जन गरेको कम्पनीले समीक्षा अवधिसम्म भने १८ करोड १ लाख आर्जन गरेको छ ।

यस अवधिसमा कम्पनीको खर्च बढेको छ । कम्पनीको कुल खर्च ७ करोड ३८ लाखबाट बढेर ८ करोड ३६ लाख पुगेको छ । कुल खर्चमा कर्मचारी खर्च २१ लाख ९९ हजार, प्रशासनिक खर्च ७२ लाख ४० हजार, ह्रासकट्टी खर्च ६ करोड ७९ लाख र आईपीओ निष्कासन खर्च ६२ लाख ९६ हजार रहेको छ ।

७० करोड रुपैयाँ चुक्तापूँजी भएको कम्पनीको रिजर्भ ४ करोड ५६ लाख रुपैयाँले ऋणात्मक रहेको छ ।    

समीक्षा अवधिसम्म कम्पनीको प्रतिसेयर आम्दानी(ईपीएस) ७.६२ रुपैयाँले ऋणात्मक, प्रतिसेयर नेटवर्थ ९३.४७ रुपैयाँ, प्रतिसेयर कुल सम्पत्तिको मूल्य २६५.९८ रुपैयाँ, मूल्य आम्दानी अनुपात ७३ गुणाले ऋणात्मक र तरलता अनुपात ०.२५ प्रतिशत कायम भएको छ ।