.gif)
.gif)
.png)
काठमाण्डौ । राष्ट्रिय व्यवसायिक पहल (NBI) ले रसुवाको भोटेकोशी बाढीबाट प्रभावित समुदायका लागि १ हजार थान सौर्य लालटिन नेपाल सरकारलाई हस्तान्तरण गरेको छ।
Schneider Electric को सहयोगमा प्राप्त करिब ४३ लाख रुपैयाँ मूल्य बराबरका Mobiya Original सौर्य लालटिन सामाखुशीस्थित राहत संकलन केन्द्रमा सरकारलाई हस्तान्तरण गरिएको हो।
(1).gif)
एनबीआईका अनुसार बाढीबाट प्रभावित भई अझै पनि नियमित विद्युत् पहुँचबाट टाढा रहेका परिवारको तत्काल आवश्यकतालाई ध्यानमा राख्दै सौर्य लालटिन सहयोग गरिएको हो।
बाढीका कारण प्रभावित क्षेत्रमा विद्युत् आपूर्ति अवरुद्ध हुनुका साथै कतिपय बस्तीमा विद्युतीय पहुँच पुनःस्थापित हुन नसकेको अवस्थामा सौर्य लालटिनले प्रभावित परिवारलाई दैनिक जीवन सहज बनाउन सहयोग पुग्ने अपेक्षा गरिएको छ।
राहत सामग्री राष्ट्रिय व्यवसायिक पहल र Schneider Electric का प्रतिनिधिको उपस्थितिमा हस्तान्तरण गरिएको थियो।
एनबीआईले विपद् प्रभावित समुदायलाई समयमै राहत तथा आवश्यक सहयोग उपलब्ध गराउन निजी क्षेत्र, सरकार र अन्य सरोकारवालासँगको सहकार्यलाई आगामी दिनमा पनि निरन्तरता दिने जनाएको छ।
.png)
.gif)
.jpg)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।