एपोलो हाइड्रोपावरको ४७ हजार कित्ता सेयरको लकइन कात्तिक १० पछि खुल्ने

काठमाण्डौ । एपोलो हाइड्रोपावर लिमिटेडको सामूहिक लगानी कोषका लागि छुट्याइएको ४७ हजार कित्ता साधारण सेयरको लकइन अवधि कात्तिक १० गतेपछि समाप्त हुने भएको छ।

कम्पनीले नेपाल स्टक एक्सचेञ्ज (नेप्से), नेपाल धितोपत्र बोर्ड र सीडीएस एण्ड क्लियरिङ लिमिटेडलाई जानकारी गराउँदै सामूहिक लगानी कोषलाई बाँडफाँड गरिएको सेयरको ६ महिनाको लकइन अवधि सकिन लागेको जनाएको हो।

कम्पनीले सर्वसाधारणका लागि निष्कासन गरेको कुल ९ लाख ४० हजार कित्ता साधारण सेयरमध्ये ५ प्रतिशत अर्थात् ४७ हजार कित्ता सामूहिक लगानी कोषका लागि छुट्याएको थियो।

धितोपत्रसम्बन्धी व्यवस्थाअनुसार सामूहिक लगानी कोषलाई बाँडफाँड गरिएको सेयर बाँडफाँड भएको मितिले ६ महिनासम्म लकइनमा राख्नुपर्ने हुन्छ। सोही व्यवस्थाअनुसार कम्पनीको सामूहिक लगानी कोषको स्वामित्वमा रहेको ४७ हजार कित्ता सेयरको लकइन अवधि २०८३ कात्तिक १० गतेपछि समाप्त हुने कम्पनीले जनाएको छ।

लकइन अवधि सकिएपछि ती सेयर दोस्रो बजारमा कारोबारका लागि योग्य हुनेछन्।