सुनचाँदीको मूल्य बढ्यो, कतिमा हुँदैछ कारोबार ?

काठमाडौं। नेपाली बजारमा सुनको मूल्य बढेको छ। नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला एक हजार पाँच सयले बढेको हो।

महासंघका अनुसार आज सुन प्रतितोला २ लाख ९४ हजार ८ सय रुपैयाँमा कारोबार भइरहेको छ। अघिल्लो दिन सुनको मूल्य प्रतितोला २ लाख ९३ हजार ३ सय रुपैयाँ कायम भएको थियो।  

त्यस्तै, चाँदीको मूल्य पनि बढेको छ। महासंघका अनुसार आज चाँदीको मूल्य २५ रुपैयाँले वृद्धि  भएर प्रतितोला ४ हजार ४ सय ५० रुपैयाँमा कारोबार भइरहेको छ।  अघिल्लो दिन चाँदीको मूल्य ४ हजार ४ सय २५ रुपैयाँ कायम भएको थियो।