आज घोषणा हुँदै करदाता प्रोत्साहन पुरस्कारका १६ विजेता

काठमाडौं। आन्तरिक राजस्व विभागले कात्तिक महिनाको पहिलो ‘पाक्षिक करदाता प्रोत्साहन पुरस्कार’का विजेताहरूको नाम आज सार्वजनिक गर्दैछ।

सिंहदरबारस्थित अर्थ मन्त्रालयमा १५ जना नियमित र एक जना बम्पर गरी १६ जना विजेता घोषणा गरिने विभागले जनाएको छ।

कात्तिक १ देखि १५ गतेसम्मको कारोबार तथा कर सहभागिताका आधारमा विजेता छनोट गरिनेछ। यसपटक पुरस्कार घोषणा प्रक्रियामा नेपाल प्रिमियर लिग (एनपीएल) खेलिरहेका चर्चित क्रिकेट खेलाडीसमेत सहभागी हुनेछन्।