भुटान आर्थिक रुपमा असफल भयो, अब पालो ग्रस नेशनल ह्याप्पीनेश २.० को: प्रधानमन्त्री छिरिङ तोग्बे

काठमाण्डौ । भुटानका प्रधानमन्त्री छिरिङ तोग्बेले भुटान आर्थिक रुपमा असफल भएको बताएका छन् । सीएनबीसीसँगको अन्तवार्ताको क्रममा नवनिर्वाचित प्रधानमन्त्री तोग्बेले यस्तो बताएका हुन् ।  

‘हामी एकदमै सावधानीपूवर्क र पुरातन सोचले अघि बढ्यौं । त्यसैले हामी पछि पर्यौं,उनले भने,‘एउटा कोणबाट हेर्दा हामी असफल भएका छैनौं । तर सामाजिक प्रगतिको क्षेत्रको कोणबाट हेर्दा भने हामी आर्थिक रुपमा असफल भएका छौं ।’ तोग्बेले भने ।  

उनले भुटानको अर्थतन्त्रलाई सामाजिक प्रगति,वातावरण संरक्षण,सांस्कृतिक जगेर्ना र सुशासनसँगै दिगो,समानता र सन्तुलित तरिकाले अघि बढाइने बताए । उनी भन्छन्,‘ यी क्षेत्रहरुमा हामीले कसैले कल्पना नगरेभन्दा पनि धेरै सफलता पाएका छौं ।’

उनले उक्त अवसरमा यसअघि अपनाइएका सिद्धान्तहरु एकपक्षिय भएको समेत बताएका छन् ।   

Sponsored

यस्तै तोग्बेल भुटानले ‘ग्रस नेशनल ह्याप्पीनेश २.०’ माथि काम गरिरहेको बताए । विश्वभर भुटानको ‘ग्रस नेशनल ह्याप्पीनेश’ नागरिकको विकाससँगै सन्तुलित आर्थिक वृद्धिका चर्चित छ ।  

तर पछिल्लो समय प्रधानमन्त्री जिग्मेले ‘ग्रस नेशनल ह्याप्पीनेश २.०’बारे चर्चा गर्न सुरु गरेका छन् । तोग्बेका अनुसार भुटानले सामना गरिरहेको आर्थिक संकटबाट पार पाउन ग्रस नेशनल ह्यापिनेशमाथि पुनर्विचार गर्दै केहि परिवर्तन गर्ने तयारी भईरहेको छ ।  

भुटानमा अहिले रहेको ३० प्रतिशत बेरोजगारी दर र प्रत्येक ८ जनामा एक जना गरीब भएको अवस्थामा ग्रस नेशनल ह्याप्पीनेशको सारमा परिवर्तन गर्ने तयारीमा भुटान लागेको छ ।  -एजेन्सी