.gif)
(2).gif)
_(1).gif)
काठमाण्डौ । सेयरधनीहरुको हात रित्तो बनाएको नेको इन्स्योरेन्सले नेपाल स्टक एक्सचेञ्ज(नेप्से)मा सूचीकृत कम्पनीहरुको सेयरमा लगानी बढाउँदै गएको छ ।
कम्पनीको प्रतिवेदनअनुसार नेको इन्स्योरेन्सले बैंक तथा वित्तीय संस्था, हाइड्रोपावर कम्पनी, म्युचुअल फण्डका इकाई र अन्य कम्पनीको सेयरमा लगानीको दायरा बढाएको छ ।
कम्पनीले आर्थिक वर्ष २०७९/८० मा यस्ता कम्पनीहरुको सेयरमा कुल ५९ करोड ५१ लाख ७८ हजार रुपैयाँ लगानी गरेको छ । यो लगानी आर्थिक वर्ष २०७८/७९ को तुलनामा ६७.१० प्रतिशतले बढी हो ।
अघिल्लो आर्थिक वर्षमा कम्पनीले सूचीकृत सेयरमा ३५ करोड ६१ लाख ७५६ हजार रुपैयाँ कुल लगानी गरेको थियो । कम्पनीले गत वर्ष मात्रै ९ वटा कम्पनी र तीन म्युचुअल फण्डको इकाईमा लगानी थपेको छ ।
त्यस्तै, अघिल्लो वर्ष लगानी गरेको युनिलिभर नेपालबाट भने कम्पनी बाहिरिएको छ । गत वर्ष मर्जरमा गएका साबिकका बैंकहरु सेञ्चुरी कमर्सियल बैंक, मेगा बैंक र नेपाल बंगलादेश बैंकबाट पनि कम्पनी बाहिरिएको प्रतिवेदनमा देखिएको छ ।
साबिक सेञ्चुरी कमर्सियल बैंकको लगानी प्रभु बैंकको सेयरमा बृद्धि भएको देखिएको छ, भने साबिक नेपाल बंगलादेश बैंकको सेयर नबिल बैंकमा रुपान्तरण भएको छ ।
साथै गत आर्थिक वर्षमा नेको इन्स्योरेन्सले नेष्डो समृद्ध लघुवित्त, सुर्योदय वोमी लघुवित्त, अरुण भ्याली हाइड्रोपावर, युनिभर्सल पावर, हिमालयन डिष्टिलरी, शिवम् सिमेन्ट्स, सिटिजन्स सुपर–३०, आरबीबी म्युचुअल फण्ड–२ र सानिमा ग्रोथ फण्डको इकाईमा लगानी थप गरेको छ ।
कुन क्षेत्रमा कति बढायो लगानी ?
नेको इन्स्योरेन्सले गत वर्षमा मात्रै ७ वटा वाणिज्य बैंकको सेयरमा कुल ६ करोड ४ लाख रुपैयाँ लगानी गरेको छ । अघिल्लो वर्षको तुलनामा यो लगानी ६७.८२ प्रतिशतले बढी हो ।
त्यस्तै, यता विकास बैंक र वित्तीय संस्थाहरुमा कुल १ करोड ६२ लाख ६६ हजार रुपैयाँ लगानी गरेको छ । अघिल्लो वर्ष यस्ता संस्थाहरुमा कम्पनीले ८५ लाख ६ हजार रुपैयाँ लगानी गरेको थियो । गत वर्ष मात्रै कम्पनीले दुईवटा लघुवित्त संस्थामा लगानी थपेको छ ।
साथै कम्पनीले चारवटा हाइड्रोपावर कम्पनीमा कुल १ करोड ९ लाख रुपैयाँ लगानी गरेको छ । कम्पनीले गत वर्ष दुईवटा हाइड्रोपावरमा लगानी थपेको छ । साथै कम्पनीले अन्य कम्पनीहरुमा हिमालयन डिष्टिलरीको सेयर थप गरेको छ, भने युनिलिभर नेपालको सेयर बिक्री गरेको छ ।
यता, कम्पनीले गत वर्षमा कुल ८ वटा म्युअुल फण्डको इकाईमा ४ करोड ८ लाख ५२ हजार रुपैयाँ लगानी गरेको छ । जुन यो अघिल्लो वर्षको तुलनामा ६६.५६ प्रतिशतले बढी हो । अघिल्लो वर्ष कम्पनीले ५ वटा म्युचुअल फण्डमा कुल २ करोड ४५ लाख २५ हजार रुपैयाँ लगानी गरेको थियो ।
कस्तो कम्पनीमा लगानीको दायरा बढाउला ?
प्रतिवेदनअनुसार कम्पनीले कमर्सियल बैंकहरुको सेयरमा बढी लगानी गरेको देखिन्छ । अन्य कम्पनीको तुलनामा वाणिज्य बैंकहरुको सेयरमा लगानी गर्दा जोखिम कम हुने र प्रतिफल पाउने बढी सम्भावना हुँदा लगानी बढी भएको कम्पनीका सीईओ अशोककुमार खड्काले बताए ।
नेपाल बीमा प्राधिकरणको लगानी निर्देशिका बमोजिम बीमा कम्पनीले अब चुक्तापुँजीको १५ प्रतिशतसम्म लगानी गर्न पाउने भएको छ । कम्पनीले आगामी दिनमा सूचीकृत कम्पनीको सेयरमा लगानी बढाउँदै जाने सीईओ खड्काले बताए ।
उनकाअनुसार धितोपत्र दोस्रो बजारको विश्लेषण गरी दीर्घकालिन लगानीका लागि उपयुक्त हुने कम्पनीहरु लगानीको लागि छनोट गरिनेछ ।
.gif)
.jpg)
.jpg)
.jpg)
.jpg)
(1).png)
(1).gif)
