.gif)
(1).gif)
.png)
काठमाण्डौ । भियतनामको अटो निर्माता कम्पनी भिनफास्टको विद्युतिय कार(ईभी) को विश्वस्सनीयतामाथि प्रश्न उठेको छ ।
विश्वव्यापी विस्तारको प्रयासका बाबजुद कारमा देखिएको समस्या,नकारात्मक मिडिया टिप्पणी र कारप्रतिको विश्वासको अभावले कम्पनीको सफलतामा चुनौति थपेको छ ।
.gif)
कम्पनीले विश्वस्तरमा आफुलाई उभ्याउने महत्वाकांक्षी लक्ष्य लिएको छ । कम्पनीले टेस्लासँग प्रतिष्पर्धा गर्ने लक्ष्य लिएको छ । तर स्थानिय कठिनाईहरुका कारण यस्तो हुन समय लाग्ने देखिएको छ ।
भियतनाममा कम्पनीको राम्रो ब्राण्ड पहिचान स्थापित छ । तर कम्पनीले ग्राहकहरुलाई इभी विश्वसनीय र उच्च गुणस्तरको छ भन्ने विश्वास दिलाउन भने असमर्थ देखिन्छ ।
भियतनामका ३५ वर्षिय व्यापारी एनगो ट्रोङ टु ३५ हजार डलर मूल्य पर्ने भिनफास्ट ईभी किन्नुको साटो त्यसमा ५ हजार थपेर होन्डाको आयातित पेट्रोल कार खरिद गर्न उपयुक्त हुने बताउँछन् ।
‘भिनफास्ट ईभी किन्नु भन्दा होन्डाको कार खरिद गर्नु सुरक्षित छ सामाजिक सञ्जालमा धेरैजसो मानिसले आफ्नो भिनफास्ट ईभीमा समस्या देखिएको बताएका छन् ।’ एनगोले समाचार एजेन्सी एपीलाई भने,‘ म मेरो पैसा अपूर्ण प्रडक्टमा खर्च गर्न चाहदैन’ ।
कम्पनीले भिनफास्ट इभीको निर्माण कमजोरी र कारको सफट्वेयरको समस्याका बारेमा थुप्रै गुनासाहरु प्राप्त गरिरहेको छ । चार्जिङ पूर्वाधार अविकसित रहेको भियतनाममा ईभी बिक्री गर्न चुनौतिको रुपमा देखिएको छ । गत जनवरीमा इभी र ब्याट्रीको रिभ्यु गर्ने ‘जि डिएन इभी’ युटुब च्यानलका प्रस्तोताले उनको नयाँ भिनफास्ट भिएफएटको ब्याट्रीमा समस्या रहेको र स्मार्ट चाबीले कार नखुल्ने गरेको बताएका थिए ।
यस्तै यसको अर्को महिनामा उनले कारेको भर्चुअल असिस्टेन्ट,एक्सिलेटर र एअर कन्डिसनरमा समेत समस्या देखिएको बताएका थिए ।
भियतनामको सरकारी मिडियाले गत वर्षको अप्रिल महिनामा भिनफास्ट इभीमा अचानक आगो लागेकोसमाचार प्रकाशित गरेको थियो ।
कम्पनीले आगो लाग्नुको कारण पत्ता लागेको र कारमा भएको समस्याका कारण यस्तो नभएको विज्ञप्ती निकालेको थियो ।
भिनफास्टमा भियतनामका सबैभन्दा धनी व्यक्ति फाम नाहात भुओङको स्वामित्व रहेको छ । जसले सोभियत युनियनमा तयारी चाउचाउ बिक्री गरेर व्यवसाय सुरु गरेका थिए ।
भुओङले अहिले अमेरिका,फ्रान्स,जर्मनी र नेदरल्याण्डमा आउटलेटहरु खोलेको छन् । भिनफास्टले सन् २०२३ मा विश्वभर ५० हजार कार बिक्री गर्ने योजना बनाएको थियो । तर कम्पनीले लक्ष्यभन्दा निकै कम २५ हजार हाराहारीमा मात्रै कार बिक्री गर्न सफल भएको छ ।
कम्पनीले गत वर्ष अमेरिकी सेयर बजारमा पाइला टेकेको थियो । अमेरिकी सेयर बजारमा प्रवेश गरेसँगै कम्पनीको मूल्य ८०० प्रतिशतले वृद्धि भएको थियो । यो वृद्धिसँगै कम्पनीको बजार पूँजीकरण २०० अर्बडलर पार भएको थियो । जसका कारण अमेरिकामा सूचीकृत कार निर्माता कम्पनीहरुमध्ये कम्पनी तेस्रो ठूलो भएको बन्न पुगेको थियो । कम्पनी टोयोटा र टेस्लाभन्दा मात्रै पछि थियो ।
तर सेयर बजारको प्रदर्शन र कम्पनीको वास्तविक आर्थिक अवस्थामा भने भिन्नता देखिएको छ । फाइनासन्सयल टाइम्सका अनुसार सन् २०२२ मा कम्पनीले अमेरिकामा जम्मा ७ हजार ४०० वटा कार मात्रै बिक्री गरेको थियो ।
अहिले कम्पनीको बजार पूँजीकरण घटेर १४.२७ अर्ब डलरमा झरेको छ ।
समीक्षकहरुले भिनफास्टको मूल्य बढी निर्धारण गरिएको र कारको गुणस्तर समेत कमसल भएको प्रतिक्रिया दिईरहेका छन् । -एजेन्सी
.gif)
.png)
.jpg)
.jpg)
.gif)
