रुसले भारतमा ६ वटा आणविक उर्जा प्लान्ट बनाउन सहयोग गर्ने

काठमाण्डौ । रुसले भारतमा ६ वटा आणविक उर्जा प्लान्ट बनाउन सहयोग गर्ने भएको छ । भारतीय प्रधानमन्त्री नेरेन्द्र मोदीको २ दिने रुस भ्रमणको क्रममा रुस सरकारले यस्तो प्रतिवद्धता जाहेर गरेको हो ।

रुसको परमाणु उर्जा एजेन्सी रोसाटोमले ६ वटा आणविक प्लान्ट बनाउन भारत सरकारलाई सहयोग गर्नेछ । रुसले यसअघि पनि भारतको कुडनकुलम परमाणु उर्जा संयन्त्रकेकेएनपीपी)स्थापना गर्न सहयोग गरिसकेको छ । यहाबाट ६ हजार मेगावाट विद्युत उत्पादन गर्ने लक्ष्य भारतले लिएको छ ।

वर्तमान समयमा रुस मात्रै विश्वको एउटा यस्तो देश हो,जोसँग पानीमा तैरने परमाणु उर्जा संयन्त्र छ । यो परमाणु उर्जा संयन्त्रलाई एकेडेमिक लोमोनोसोव जहाजमा असेम्बल गरिएको छ । रुसको पेवेल शहरमा विद्युत आपूर्ति यहि फ्लोटिङ न्यूक्लियर पावर प्लान्टबाट हुन्छ ।

यससँगै भारत र रुसबीच अन्य विविध क्षेत्रमा समेत सहकार्य गर्ने सहमति बनेको छ ।