चीनको टाउको दुखाई बन्दै सिंगापुरको यो सरकारी कम्पनीले,यस्तो छ कारण

NEWS
बुधबार, असार २६,२०८१ 15:48:21

काठमाण्डौ। चीन विश्कै दोस्रो ठुलो अर्थतन्त्र भएको मुलुक हो तर यसले केही समयदेखि संघर्ष गरिरहेको छ। विदेशी लगानीकर्ताहरु पनि यसबाट पछि हट्न थालेका छन्। जसमा टेमासेक पनि एक हो ।

टेमासेक सिंगापुरको सरकारी लगानी कम्पनी हो। योे चीनको सबैभन्दा ठूलो लगानीकर्ताका रुपमा रहेको छ।

तर अहिले चीनमा यसले लगानी घटाउन थालेको छ। लगभग एक दशकमा पहिलो पटक अमेरिकाले कम्पनीको पोर्टफोलियोमा चीनलाई पछाडिको पारेको छ।

टेमासेकले अमेरिकासँगै भारतमा पनि ठूलो बाजी खेलिरहेको छ। चीनको पुँजी बजारमा आएको सुस्तताले देशको सम्पत्तिको मूल्यमा गिरावट आएको कम्पनीले जनाएको छ।

तर अन्य बजारबाट भने राम्रो प्रतिफल पाइरहेको छ। योसँगै कम्पनीको पोर्टफोलियोको खुद मूल्य ३८९ अर्ब डलर पुगेको छ जुन गत आर्थिक वर्षमा ३८२ अर्ब डलर थियो।

टेमासेक लामो समयदेखि चीनको सबैभन्दा ठूलो संस्थागत लगानीकर्ता हुन्। सन् २०२० मा कम्पनीको पोर्टफोलियोमा चीनको हिस्सा २९ प्रतिशत थियो।

तर चार वर्षपछि १९ प्रतिशतमा झरेको छ। मार्चमा कम्पनीको पोर्टफोलियोमा अमेरिकाको हिस्सा बढेर २२ प्रतिशत पुगेको छ। सिंगापुर टेमासेकको पोर्टफोलियोमा २७ प्रतिशतको साथ शीर्ष स्थानमा छ।

कम्पनीले भारतमा लगानी बढाउँदै लगेको छ। हाल यसको पोर्टफोलियोमा भारतको हिस्सा सात प्रतिशत छ।

लगभग एक दशकमा यो पहिलो पटक हो कि कम्पनीको पोर्टफोलियोमा अमेरिकाको हिस्सा चीनको भन्दा बढी भएको छ।