.gif)
_(1).gif)
.png)
काठमाण्डौ । बिहीबार रातभरि गरिएका प्रयासका बाबजुद नेपाली कांग्रेसका महामन्त्री गगनकुमार थापाले केपी ओलीको नेतृत्वमा बन्न लागेको सरकारमा नजाने अडान लिएका छन् ।
थापाको यो अडानसँगै कांग्रेसबाट प्रकाशमान सिंहले सरकारमा नेतृत्व गर्ने लगभग निश्चित देखिएको छ ।
महामन्त्री गगन थापालाई अन्तिम समयसम्म पनि उपप्रधान तथा अर्थमन्त्रीसम्म दिएरै भए पनि सरकारमा सहभागी गराउन केपी ओलीले विशेष प्रयास गरेका थिए । तर, थापा आफैंले सरकारमा सहभागी नहुने तथा महामन्त्रीको रुपमा पार्टीभित्रै धेरै जिम्मेवारी रहेको भन्ने अडान नछाडेपछि सिंहलाई कांग्रेस सभापति शेरबहादुर देउवाले अगाडि सारेका हुन् ।
(1).gif)
नेता सिंहले यसअघिको कांग्रेस महाधिवेशनमा सभापतिका उम्मेद्वार शेरबहादुर देउवालाई दोश्रो चरणको निर्वाचनमा सहयोग गरेका थिए । यही गुण सम्झिएर देउवाले बिरामी अवस्थामा रहेका सिंहलाई नै उपप्रधानसहितको कुनै एक मन्त्रालय दिएर पठाउन लागेका हुन् ।
गगनले सरकारमा जाने इच्छा नदेखाएपछि केपी ओली नेतृत्वको सरकारमा दुई उपप्रधानमन्त्रीको रुपमा कांगे्रसबाट सिंह र एमालेबाट विष्णु पौडेल जाने लगभग निश्चित देखिएको छ ।
एमालेबाट उपप्रधानसहित अर्थमन्त्रीको रुपमा विष्णु पौडेलको पुनरागमन हुने समेत लगभग निश्चित देखिएको छ ।
कांग्रेस सभापति शेरबहादुर देउवाको विशेष रोजाईमा ओली नेतृत्वको सरकारमा गृहमन्त्रीको रुपमा रमेश लेखक जाँदैछन् ।
देउवापत्नी आरजू देउवा सम्भवतः परराष्टमन्त्री बन्नेछिन् ।
उच्च राजनीतिक स्रोतहरुका अनुसार पहिलो चरणमा केपी ओली नेतृत्वमा १५ सदस्यीय मन्त्रीमण्डल गठन गर्ने तयारी गरिएको छ ।
कांग्रेस र एमालेबाट पहिलो चरणमा ५ ५ जना र अन्य साना ५ दलबाट ५ गरी १५ सदस्यीय मन्त्रीमण्डल विस्तारको तयारी गरिएको स्रोतको दाबी छ ।
.gif)
.png)
.jpg)
.jpg)
.gif)
(1).gif)
.gif)
