.gif)
.gif)
.jpg)
.png)
काठमाण्डौ । भारतमा आईफोन १६ खरिद गर्ने ग्राहकहरको लामो लाइन लागेको छ । आईफोन १६ सिरिजको बिक्री आजदेखि सुरु भएको भारतका एप्पल स्टोहरुमा ग्राहकहरुको लम्बेतान लाइन लागेको भारतीय मिडियाले बताएका छन् ।
मुम्बई र दिल्लीका एप्पल स्टोरबाहिर बिहानैदेखि नयाँ आईफोन १६ खरिद गर्ने मानिसहरुको थेगिनसक्नु भिड लागेको बताइएको छ । मानिसहरु स्टोर खुल्नुअघि नै ठूलो संख्यामा जम्मा भएका छन् ।
कोही ग्राहकहरु त २१ घण्टासम्म लाइनमा लागेको बताएका छन् । म २१ घण्टादेखि लाइनमा छु । स्टोर खुलेपछि म सबैभन्दा पहिलो आईफोन १६ बन्ने ग्राहक बन्ने छु । त्यसैले म एकदमै खुसी छु,’ लाइनको अग्रपक्तिमा भएका एक गा्रहकले बताए ।
एप्पलले गत सेप्टेम्बर ९ मा आफ्नो बहुप्रतिक्षित आईफोन १६ सिरिज लञ्च गरेको थियो । एआई फिचर्सका सु–सज्जति आईफोन १६ पहिलेका सिरिजहरु भन्दा विशेष भएकाले ग्राहकहरुको यसप्रति निकै आकर्षण देखिएको छ ।
आईफोन–१६ सिरिजका मोडल पनि भारतमा एसेम्बल भईरहेपनि अन्य देशहरूको तुलनामा, भारतीय ग्राहकहरूलाई अझै पनि आईफोन किन्न महँगो परिरहेको छ। भारतमा प्रो म्याक्स मोडल अमेरिकाको तुलनामा भारतमा करिब ४४ हजार भारुले महँगो छ ।
योसँगै आइफोन–१६ मोडलमा करिब १३ हजार भारुको फरक छ । भारतमा आईफोन १६ को सुरुवाति मूल्य ७९ हजार ९ सय भारु र प्रो म्याक्सको मूल्य १ लाख ४४ हजार ९ सय भारु रहेको छ । जबकि अमेरिकामा सोही आईफोन–१६ मोडल ७९९ डलर अर्थात् र प्रो म्याक्स ११९९ डलर अर्थात् मा उपलब्ध छ।
अमेरिका र क्यानडामा कर र आयात शुल्कको कमीका कारण भारतलगायत अन्य धेरै देशको तुलनामा आइफोन सधैं सस्तो रहेको छ।
.png)
.jpg)
.gif)
