नेप्सेको साप्ताहिक चार्टमा ‘ट्वीजर बटम’, रिभर्सल गर्दै गरेको संकेत

काठमाण्डौ । यो साता सेयर बजारमा ४ दिन कारोबार  भयो  । चार दिनको कारोबारमा बजार २  दिन घट्यो भने २ दिन मात्रै बढ्यो । अघिल्लो साता २४ सय ९६ को विन्दुमा बन्द भएको बजार यो साता २५ सय ९७ को विन्दुमा बन्द भयो । यस हिसाबले यो साता सेयर बजारमा ११०.७३ अंकको बढोत्तरी आयो । अघिल्लो साता बजार ९० अंकले घटेको थियो ।

यो साताको ४ दिन कारोबारमा २२ अर्ब ९ करोडबराबरको सेयर कारोबार भयो । अघिल्लो साता बजार भने २६ अर्ब ९ करोड रुपैयाँबराबरको कारोबार भएको थियो । दैनिक औषत कारोबार अघिल्लो साता ५ अर्ब २ करोडको भएको थियो भने यो साता ५ अर्ब ५४ करोडको भएको छ । यस हिसाबले यो साता बजार बढ्दा कारोबार पनि बढेको छ । यो भनेको ६ साता लगातार घटेको बाजारमा सूचक र कारोबार बढ्नु बजार बुलिस जाँदै गरेको संकेत हो ।  

 

 

यो साता बजार पूँजीकरण ४१ खर्ब ३० अर्ब पुगेको छ । अघिल्लो साता भने बजार पूँजीकरण ३९ खर्ब ५४ अर्ब पुगेको थियो  । यस हिसाबले यो साता नेप्से बढ्दा १ खर्ब ७६ अर्बले बजार पूँजीकरण बढेको छ । यो साता पनि नेप्से बढ्दा बजार पू्ँजीकरण र औषत कारोबार दुबै बढेको छ ।

प्राविधिक पक्षः  

क्याण्डल स्टिकको आधारमा  

क्याण्डल स्टिकको विकास १८ औं शताब्दिमा जापानका एक धान व्यापारि म्यूनिहोसा होमाले गरेका हुन । त्यसपछि यसको विकास विश्वका सेयर कमोडिटिज तथा विदेशि मुद्राको अध्ययनमा प्रयोग हुन थाल्यो ।  

नेपालको सेयर बजारमा पनि पछिल्लो समय यसको प्रयोग व्यापक बन्दै गएको छ । नेप्सेको चार्टमा गएका २ साताको कारोबारलाई साप्ताहिक रुपमा हेर्दा ट्वीजर बटम बनेको देखिन्छ । अर्थात बजार २ सातासम्म २४४० को विान्दुमा टेष्ट गरेर माथि फर्केको छ । यसले सम्भाबित बजारको अप ट्रेन्डलाई जानाउँछ ।  

यो साता २५९७ विन्दुमा बन्द भएको बजार यदि आगामी कारोबारमा २६५० विन्दु भन्दा माथि बन्द भएमा बजारमा पुनःअप ट्रेन्डको सम्भावना निश्चित हुन्छ ।  

बोलिङ्गर ब्याण्ड, म्याक्डी र आरएसआई

साप्ताहिक रुपमा बोलिङ्गर ब्याण्डको आधारमा बजारले केही साता पहिले अपर ब्याण्ड छोडेपछि २ साता लगातार मध्य ब्याण्डमा सपोर्ट लिएको छ । यस हिसाबले बजारले मध्य ब्याण्डमा सपोर्ट लिँदै गरेको मान्न सकिन्छ । म्याक्डीमार्फत नियाल्दा भने बजारले यो साता वियरिस क्रसओभर बनाएको छ ।  

साप्ताहिक रुपमा आरएसआई भने ५३ को तहबाट फर्केर हाल ५८ तहमा पुगेको छ । समग्रमा तीन वटै इन्डिकेटरबाट नियाल्दा बजार विस्तारै घट्न रोकिएको मान्न सकिन्छ ।  

पिभट् विश्लेषण  

पिभट् प्वइन्टः  

पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – २८०५

प्रतिरोध २ – २७२४

प्रतिरोध १–  २६०५

पिभट् प्वइन्टः २५२४

घटेमा सपोर्ट  

सपोर्ट १– २४०५

सपोर्ट २– २३२४

सपोर्ट  ३ –२२०५

निष्कर्षः साप्ताहिक रुपमा बजारलाई नियाल्दा ६ साता घटेको बजारमा यो साता ब्रेक लागेको छ  । अर्थात यो साता घट्न रोकिएर बरजारले पुनःमाथिको यात्रा तय गर्दै गरेको छ । यो साता कारोबार तथा भोल्युम पनि बढेको छ । अघिल्लो साता भने कारोबार ड्राई अप भएको थियो ।  

इलिअट वेभबाट नियाल्दा बजारको करेक्सन ‘सी’ वेभ भित्रको पाँचौ वेभमा सकिएको मान्न सकिन्छ । यदि आगामी कारोबारमा बजार २६५० विन्दु भन्दा माथि टिकेको खण्डमा बजारले अप ट्रण्ड लिएको मान्न सकिन्छ । क्याण्डल स्टिकबाट नियाल्दा यो साता बजारले ट्वीजर बटम बनाएको छ । उप–समूहगत रुपमा हेर्दा यो साता सबै उपसमूहमा हरियाली छाएको छ ।  

नोटः सेयर बजारमा लगानीजोखिमपूर्ण हुन्छ, यो विश्लेषण कारोबारका लागि सिफारिस भने होइन ।