(1).gif)
(2).gif)
.jpg)
.png)
काठमाण्डौ । प्रधानमन्त्री दैवी प्रकोप उद्धार कोषमा प्रभु महालक्ष्मी लाइफ इन्स्योरेन्स लिमिटेडले २५ लाख सहयोग गरेको छ ।
प्रभु ग्रुपका अध्यक्ष तथा प्रतिनिधि सभा सदस्य देवीप्रकाश भट्टचनको उपस्थितिमा प्रभु महालक्ष्मी लाइफका अध्यक्ष शिक्षाभट्टचन र प्रमुख कार्यकारी अधिकृत सन्तोष प्रसाईले प्रधानमन्त्री केपी शर्मा ओलीलाई सोमबार २५ लाख रुपैयाको चेक हस्तान्तरण गरेको हो ।
.gif)
बाढीपहिरो र डुबानका कारण मुलुकका विभिन्न स्थानमा आएको प्राकृतिक विपत्तिमा रहेका नागरिकहरुको राहत र उद्दारकालागि सरकारसँग हातेमालो गर्दै उक्त सहायता प्रदान गरिएको प्रमुख कार्यकारी अधिकृत सन्तोष प्रसाईले बताएका छन् । चेक हस्तान्तरण कार्यक्रममा प्रभु महालक्ष्मी लाइफइन्स्योरेन्सका सञ्चालक विरेन्द्र जंग पाण्डे, नायब प्रमुख कार्यकारी अधिकृत किशोर प्रसाद लामिछानेको उपस्थिति रहेको थियो ।
प्रभु महालक्ष्मी लाइफ इन्स्योरेन्सले यस अघि पनि नख्खु खोलामा असोज १२ गते आएको बाढीले बगाएका मध्ये २ जनालाई सकुशल उद्धार गर्न सफल काभ्रे जिल्ला तेमाल गाँउपालिका–९, चोपाटार घर भई हाल ललितपुर महानगरपालिका–२५ अस्थायी बसोबास गर्ने ३७ वर्षीय चनिकलाल तामाङलाई रियल हिरोको संज्ञा दिदै सम्मान गरेको थियो ।
.png)
.jpg)
.jpg)
(1).jpg)
.jpg)
