.gif)
_(1).gif)
.jpg)
.png)
काठमाण्डौ । चालु आर्थिक वर्षको पहिलो त्रैमासमा राष्ट्रिय स्तरका ८ वटा विकास बैंकमध्ये ७ वटाले नाफा बढाएका छन् । केहीको नाफा उछालको गतिमा बढेको देखिएको छ भने एउटा बैंकको नाफामा भने झिनो गिरावट आएको छ ।
समग्रमा हेर्दा अघिल्लो आर्थिक वर्षको पहिलो त्रैमासको तुलनामा चालु वर्ष अधिकांश विकास बैंकको नाफामा उत्साहजनक सुधार देखिएको छ । नेपाल राष्ट्रबैंकले मौद्रिक नीतिबाट गरेको लचक नियामकीय व्यवस्था र कर्जाको रिकभरिमा देखिएको सामान्य सुधार लगायतका कारणले विकास बैंकहरुको वित्तीय विवरणमा प्रभाव परेको देखिएको छ । यसकै कारण अधिकांशको खूद नाफा लगायतका केही मुख्य सूचकमा सुधार देखिएको छ ।
(1).gif)
सबै विकास बैंकको खराब कर्जाको अनुपात भने बढेको छ । कम्पनीहरुको वित्तीय स्वास्थ्यका लागि खराब कर्जाको अनुपात बढ्दै जानु राम्रो होइन ।
खूद नाफामा को अगाडि ?
पहिलो त्रैमासमा सबैभन्दा बढी नाफा मुक्तिनाथ विकास बैंकले २८ करोड १८ लाख आर्जन गरेको छ ।
साइन रेसुंगाले २३ करोड ९३ लाख तथा गरिमा विकास बैंकले २२ करोड ५७ लाख नाफा आर्जन गरेको छ ।
लुम्बिनीको नाफा २० करोड १९ लाख रहेको छ भने कामना सेवाको १७ करोड ४९ लाख रहेको छ ।
ज्योतिको नाफा १५ करोड ११ लाख रहेको छ भने महालक्ष्मीको ९ करोड ४२ लाख तथा सांग्रिलाको ९ करोड १६ लाख रहेको छ।
नाफाः अघिल्लो वर्षसँगको तुलना
अघिल्लो वर्ष यही अवधिमा २२ करोड ८८ लाख नाफा रहेकोमा मुक्तिनाथले बढाएर यो वर्ष २८ करोड १८ लाखको उचाई चुमाएको छ ।
यस्तै, २० करोड १५ लाखको नाफालाई गरिमाले बढाएर २२ करोड ५७ लाख पुर्याएको छ भने ११ करोड ९५ लाखको नाफा उछालको गतिमा बढाउँदै कामना सेवाले १७ करोड ४९ लाखको उचाई चुमाएको छ ।
१९ करोड १६ लाखको अघिल्लो वर्षको नाफालाई बढाएर साइनले २३ करोड ९३ लाखको उचाई टेकाएको छ भने १७ करोड ३२ लाखमा सीमित नाफालाई बढाएर लुम्बिनीले २० करोड १९ लाख पुर्याएको छ ।
५ करोडको नाफालाई बढाएर ज्योतिले १५ करोड ११ लाखको लोभलाग्दो उचाई चुमेको छ भने ४ करोड ६५ लाखमा सीमित नाफालाई बढाउँदै सांग्रिलाले ६ करोड १ लाख नाफा आर्जन गरेको छ ।
अघिल्लो वर्ष ११ करोड ९५ लाखमा सीमित नाफालाई कामना सेवाले बढाएर १७ करोड ४९ लाख माथि पुर्याएको छ।
सबैको नाफा बढ्दा महालक्ष्मी विकास बैंकको नाफामा भने झिनो गिरावट आएको छ । अघिल्लो वर्षको यही अवधिसम्म ९ करोड ५३ लाख नाफा आर्जन गरेकोमा त्यो घटेर यो वर्ष ९ करोड ४२ लाखमा सीमित बन्न पुगेको छ ।
.gif)
एनपीएल कसको बढी ?
पछिल्लो समय बैंक तथा वित्तीय संस्थाहरुको खराब कर्जाको अनुपात बढ्दो छ । तथापि, केन्द्रीय बैंकले मौद्रिक नीतिमार्फत गरेका कतिपय लचक नियामकीय व्यवस्थाका कारण खराब कर्जा बढोत्तरीको तीव्रतामा भने कमी आएको छ । तर, यसका बाबजुद सबै विकास बैंकको खराब कर्जा अनुपात बढेको छ ।
सबैभन्दा धेरै खराब कर्जाको अनुपात रहेका विकास बैंकहरुमा ज्योति(४.९८), महालक्ष्मी(४.९) र सांग्रिला(४.६५ प्रतिशत) रहेका छन् ।
अरु सबैको ३ प्रतिशतभन्दा माथि रहेको छ ।
अघिल्लो वर्षको पहिलो त्रैमाससँग तुलना गर्दा कामना सेवाको खराब कर्जा अनुपात ३.४८ बाट ३.९६ प्रतिशत, १.४९ बाट ३.१६ प्रतिशत, महालक्ष्मीको ३.५१ बाट ४.९० प्रतिशत, ज्योतिको ३.७५ प्रतिशतबाट ४.९८ प्रतिशत पुगेको छ ।
यस्तै, गरिमाको २.६८ बाट ३.८२ प्रतिशत, लुम्बिनीको ३.४७ बाट ३.६९ प्रतिशत, सांग्रिलाको ३.२८ बाट ४.६५ प्रतिशत र साइनको २.५९ बाट ३.५० प्रतिशत पुगेको छ ।
खूद ब्याज आम्दानी, इपीएस, नेटवर्थका आधारमा को अगाडि ?कसले इम्पेयरेमन्ट चार्जको रुपमा कमाएको कति छुट्याए ?(टेबलमा हेर्नुहोस्):
.png)
(68).jpg)
(25).jpg)
(90).jpg)
(89).jpg)
.jpg)
.gif)
(1).gif)
.gif)
