अमेरिकी डलरको मूल्य हालसम्मकै उच्च, कुन विदेशी मुद्राको विनिमयदर कति ?

काठमाण्डौ । अमेरिकी डलरको मूल्य हालसम्मकै उच्च कायम भएको छ । नेपाल राष्ट्र बैंकले आज(मंसिर २८ गते)का लागि सार्वजनिक गरेको विदेशी मुद्राको विनिमयदर अनुसार आज एक अमेरिकी डलरको खरिददर १३५.४८ रुपैयाँ र बिक्रीदर १३६.०८ रुपैयाँ कायम भएको छ ।  

यसअघि गत मंसिर २६ गते अमेरिकी डलरको मूल्य हालसम्मकै उच्च कायम भएको थियो । त्यसदिन एक अमेरिकी डलरको खरिददर १३५.४७ रुपैयाँ र बिक्रीदर १३६.०७ रुपैयाँ कायम भएको थियो ।  

यस्तै आज एक यूरोको खरिददर १४२.२९ रुपैयाँ र बिक्रीदर १४२.९२ रुपैयाँ निर्धारण भएको छ। एक पाउण्ड स्टर्लिङको खरिददर १७२.६७ रुपैयाँ र बिक्रीदर १७३.४३ रुपैयाँ कायम भएको छ ।  

यसैगरी एक अष्ट्रेलियन डलरको खरिददर ८६.८० रुपैयाँ र बिक्रीदर ८७.१९ रुपैयाँ रहेको छ ।

१० जापानी येनको खरिददर ८.९० रुपैयाँ र बिक्रीदर ८.९४ रुपैयाँ,एक युएई डिरामको खरिददर ३६.८९ रुपैयाँ र बिक्रीदर ३७.०५ रुपैयाँ, एक चिनियाँ युआनको खरिददर १८.६४ रुपैयाँ र बिक्रीदर १८.७२ रुपैयाँ ,एक मलेसियन रिंगेटको खरिददर ३०.५३ रुपैयाँ र बिक्रीदर ३०.६७ रुपैयाँ, एक कतारी रियालको खरिददर ३७.१६ रुपैयाँ र बिक्रीदर ३७.३३ रुपैयाँ, १०० कोरियन वनको खरिददर ९.४७ रुपैयाँ र बिक्रीदर ९.५१ रुपैयाँ र एक कुवेती डिनारको खरिददर ४४०.५३ रुपैयाँ र बिक्रीदर ४४२.४८ रुपैयाँ कायम भएको छ ।