(3).gif)
प्रतिनिधिसभा निर्वाचनअन्तर्गत देशभर मतदान जारी रहँदा अधिकांश क्षेत्रमा मौसम सामान्यतया सफा रहेको देखिएको छ। मौसम पूर्वानुमान महाशाखाले बिहीबार बिहान ११ बजेसम्मको अवस्थाबारे सार्वजनिक गरेको विवरणअनुसार हाल कोशी, बागमती, गण्डकी र लुम्बिनी प्रदेशका पहाडी तथा हिमाली भू–भागमा आंशिक बदली रहेको छ भने देशका बाँकी भागमा मौसम मुख्यतया सफा रहेको छ।
ओखलढुंगामा मतदानका क्रममा गोली चलेको र मानिस घाइते भएको भन्दै सामाजिक सञ्जालमा फैलिएको भिडियो तथा समाचार भ्रामक रहेको प्रहरीले जनाएको छ।
.jpg)
राष्ट्रिय स्वतन्त्र पार्टीका वरिष्ठ नेता बालेन्द्र शाह निर्वाचन आयोगबाट अनुमति नलिई हेलिकप्टर चढेर झापा उडेपछि उक्त हेलिकप्टर काठमाडौं फर्काइएको खुलेको छ।शाहले काठमाडौंमा मतदान गरेपछि हेली एभरेस्टको हेलिकप्टरमार्फत झापा जाने प्रयास गरेका थिए। तर उनी सवार हेलिकप्टर झापामा अवतरण नगरी पुनः काठमाडौंको त्रिभुवन अन्तर्राष्ट्रिय विमानस्थलमा फर्किएको थियो।
प्रतिनिधिसभा निर्वाचनअन्तर्गत दोलखा र सर्लाहीका दुई मतदान केन्द्रमा विवाद भएपछि मतदान प्रक्रिया केही समयका लागि अवरुद्ध भएको छ।दोलखाको तामाकोशी गाउँपालिका–४ स्थित मालु मतदान केन्द्रमा विवाद चर्किएपछि मतदान रोकिएको हो। निर्वाचनमा खटिएका कर्मचारीमाथि हातपात गर्ने प्रयास भएपछि स्थिति नियन्त्रणमा लिन प्रहरीले हवाई फायरसमेत गरेको थियो। त्यसपछि भीड नियन्त्रण गर्न केही...
दोलखाको गौरीशंकर गाउँपालिका–९ स्थित बेदिङमा स्थानीय मतदाताले मतदान बहिष्कार गरेका छन्।
निर्वाचनका दिन यात्रुहरूको आवागमन सहज बनाउन नेपाल पर्यटन बोर्डले निःशुल्क सटल बस सेवा सञ्चालनमा ल्याएको छ।बोर्डका अनुसार त्रिभुवन अन्तर्राष्ट्रिय विमानस्थल आउने–जाने आन्तरिक तथा अन्तर्राष्ट्रिय हवाई यात्रुलाई लक्षित गर्दै विमानस्थलदेखि काठमाडौं उपत्यकाका प्रमुख होटल र पर्यटकीय क्षेत्रसम्म सटल बस सेवा उपलब्ध गराइएको हो। सेवा बिहान ५ बजेदेखि सुरु भई बिहीबार साँझ ७...
दाङमा बाँके राष्ट्रिय निकुञ्ज प्रभावित स्थानीयले मतदान बहिष्कार गरेका छन्। बबई गाउँपालिका–७ देउती मावि मलई र बबई–१ स्थित जनता आधारभूत विद्यालयका मतदान केन्द्रमा समाचार तयार पार्दासम्म एक मत पनि खसेको छैन।
.jpg)
काठमाण्डौ । कार्यवाहक प्रमुख निर्वाचन आयुक्त रामप्रसाद भण्डारीले देशभर शान्तिपूर्ण वातावरणमा उत्साहका साथ मतदान भइरहेको बताएका छन्।मतदान गरेपछि सञ्चारकर्मीसँग संक्षिप्त प्रतिक्रिया दिँदै उनले ७७ वटै जिल्लामा मतदाताको उल्लेख्य सहभागितासहित मतदान प्रक्रिया अगाडि बढिरहेको जानकारी दिए।
प्रतिनिधिसभा सदस्य निर्वाचनअन्तर्गत देशभरका मतदान केन्द्रमा शान्तिपूर्ण रूपमा मतदान भइरहेको निर्वाचन आयोगले जनाएको छ।आयोगका प्रवक्ता नारायणप्रसाद भट्टराईका अनुसार बिहान १० बजेसम्म देशभर कुल १० लाख ६५ हजार १२० मत खसेको छ, जुन करिब ६ प्रतिशत हो।
.jpg)
राष्ट्रिय स्वतन्त्र पार्टी (रास्वपा) का नेता बालेन शाह सवार हेलिकप्टर झापामा अवतरण हुन नसकेपछि काठमाडौं फर्किएको छ।हेली एभरेस्टको नाइन एन–एओबी (काठमाडौं–झापा) उडानमार्फत शाहसहित पाँच सदस्यीय टोली बिहान ९:१२ बजे काठमाडौंबाट झापाका लागि प्रस्थान गरेको थियो। तर खराब मौसमका कारण हेलिकप्टर झापामा ल्यान्ड हुन नसकी पुनः डाइभर्ट गरी त्रिभुवन अन्तर्राष्ट्रिय विमानस्थलमा १०:१०...
.jpg)
काठमाण्डौ । आज बिहान ७ बजेबाट सुरु भएको मतदानमा चितवन जिल्लाभर ३ घण्टासम्म करिब २० प्रतिशत मत खसेको छ। बिहान १० बजेसम्म कुल मतदातामध्ये करिब ८८ हजार मत खसेको हो ।
ओखलढुंगाको मानेभञ्ज्याङ गाउँपालिका–७ मा स्थानीय बासिन्दाले मतदान बहिष्कार गरेका छन्। बिहान १० बजेसम्म पनि कुनै मतदाता मतदान गर्न केन्द्रमा नपुगेको प्रशासनले जनाएको छ।
काठमाडौं महानगरपालिकाका मेयर बालेन्द्र शाह (बालेन) सवार हेलिकप्टर झापामा अवतरण नगरी काठमाडौं फर्किरहेको छ।
दार्चुलाको अपिहिमाल गाउँपालिका–३ स्थित दुधिला मावि मतदान केन्द्रमा मतदान प्रक्रिया अझै सुरु हुन सकेको छैन। स्थानीय मतदाता मतदानका लागि केन्द्रमा उपस्थित नभएपछि मतदान थाल्न नसकिएको हो।
.jpg)
काठमाण्डौ । नेपाल उद्योग वाणिज्य महासङ्घका अध्यक्ष चन्द्रप्रसाद ढकालले काठमाण्डौको विशालनगरस्थित मतदान केन्द्रमा पुगेर आफ्नो मताधिकार प्रयोग गरेका छन् ।मतदानपछि अध्यक्ष ढकालले मत केवल अधिकार मात्र नभई देशको भविष्य निर्धारण गर्ने जिम्मेवारी समेत भएको बताए। उनले मतदानमार्फत मुलुकले सक्षम र दूरदर्शी नेतृत्व पाउने अपेक्षा व्यक्त गरे। त्यस्तो नेतृत्वबाट स्थिर नीति,...
मतदानपछि रविन्द्र मिश्रले भने, ‘जित हुनेमा ढुक्क। राम्रो काम गर्न सकुँ !’
काठमाण्डौ । मध्यपुर थिमीका ४ वटा मतदान केन्द्र पूर्ण रूपमा महिलाद्वारा सञ्चालित रहेका छन् । भक्तपुर–२ निर्वाचन क्षेत्रमा कार्यरत निर्वाचन अधिकृत राधिका सुवालले चार मतदान केन्द्र पूर्ण रूपमा महिलाहरूको नेतृत्वमा सञ्चालन भइरहेको जानकारी दिइन्। उनले भनिन्, ‘सुरक्षाकर्मी समेत महिला छन् र यो मतदान केन्द्रले नमुना प्रस्तुत गरेको छ ।’
काठमाण्डौ । नेपाल कम्युनिष्ट पार्टी (माओवादी( का महासचिव नेत्रविक्रम चन्द (विप्लव) ले १८ वर्षपछि मतदान गरेका छन् । विप्लवले परिवर्तन गाउँपालिका–३, थुनिकोटस्थित श्री बाल शिक्षा माध्यमिक विद्यालय मतदान केन्द्र बाट मतदान गरेका हुन्।
काठमाण्डौ । निर्वाचन आयोगले मतदातालाई मतदानस्थलमा पुगेर मतदान गर्न रोक लगाउन नहुने स्पष्ट निर्देशन जारी गरेको छ। आयोगका अनुसार, कुनै पनि व्यक्तिले मतदाताको मतदान अधिकारमा बाधा पुर्याउन, मतदान स्थलसम्म जाने बाटो अवरुद्ध गर्न वा मतदान प्रक्रियामा रोक लगाउन पाउने छैन।
.jpg)
