यी हुन् जीडीपीका आधारमा सन् २०२५ का शीर्ष १० धनाढ्य देशहरु

काठमाण्डौ । धेरैजसो मानिसहरुले देशको कुल ग्राहस्थ उत्पादन(जीडीपी)लाई कुन देश कति धनी छ भनेर जाच्ने औजारको रुपमा लिने गर्छन । तर यसको विश्वस्नीयतामाथि थुप्रे प्रश्नहरु समेत उठ्ने गरेको पाइन्छ ।  

जीडीपीको आधारमा धनी देशको सूची तयार पार्नु अव्यवहारिक हुने समेत सुन्ने गरेको पाइनछ । यसलाई आधार मान्ने हो भने चीन र भारत कम धनी देशको श्रेणीमा पर्न सक्छन् । कुनै पनिको जीडीपी पर क्यापिटका त्यस देशको कुल आर्थिक उत्पादनलाई कुल जनसंख्याले भाग गरेर निकालिन्छ । यसले प्रतिव्यक्तिसँग कति सम्पत्ति छ भन्ने दर्शाउछ । यसले व्यक्तिको जीवनयापनको स्तर र अर्थतन्त्रमा प्रतिव्यक्तिको योगदान थाहा पाउन सकिन्छ ।  

फोब्र्सले यसै आधारमा सन् २०२५ का विश्वका शीर्ष १० धनाढ्य देशहरुको सूची सार्वजनिक गरेको छ । यद्यपी जीडीपी पर क्यापिटकाले जीवनयापनको सम्पूर्ण खर्चको भिन्नता र क्रयशक्तिमाथि नियन्त्रण गर्न सक्दैन । अर्थशास्त्रीहरुका यसलाई ‘पर्चेजिङ पावर प्यारिटी(पीपीपी)ले एडजस्ट गर्ने गर्छन् ।  

यी हुन् जीडीपीका आधारमा सन् २०२५ का शीर्ष १० देश ?

१.लक्जमबर्ग

लक्जमबर्ग विश्वको सबैभन्दा धेरै जीडीपी–पीपीपी पर क्यापिटका भएको देश हो । यो देशको जीडीपी–पीपीपी १ लाख ५४ हजार ९१० डलर रहेको छ । जसले यो देशको उच्च जीवनस्तरलाई जनाउछ । यहाँको वित्तीय क्षेत्र उन्नत हुनुका साथै उच्च व्यवसायिकमैत्री वातावरण रहेको छ । सानो भएपनि यो देशको अर्थतन्त्र एदकमै विकसित रहेको छ । सम्पन्नताको उच्चम विन्दुमा पुगेको यहाँको २.७ प्रतिशतको आर्थिक वृद्धिदरले अर्थतन्त्र अभलै विस्तार भईरहेको जनाउछ ।  

२ .सिंगापुर  

सिंगापुरको जीडीपी–पीपीपी पर क्यापिटका १ लाख ५३ हजार ६१० डलर रहेको छ । यहाँको अर्थतन्त्रलाई विश्व व्यापार,वित्त र उच्च प्रविधिले साथ दिएको छ । विश्वको सबैभन्दा ठूलो वित्तीय केन्द्र सिंगापुरलाई यसको भौगोलिक अवस्थितीले समेत साथ दिएको छ । २.५ प्रतिशतको दीर्घकालिन आर्थिक विस्तारले यहाँको स्वस्थ व्यवसायिक वाताराणलाई जनाउछ ।  

३. मकाओ  

चीनको विशेष प्रशासनिक क्षेत्रको रुपमा रहेको मकाओ जीडीपी–पीपीपी १ लाख ४० हजार २५० डलर रहेको छ । गेमिङ र पर्यटकका कारण यहाँको अर्थतन्त्र फैलिएको छ । यहाँको क्यासिनो उद्योग विकसित छ, जसले अर्थतन्त्रमा ठूलो टेवा पुर्याईरहेको छ । यहाँको वृद्धिदर ७.३ प्रतिशत रहेको छ ।  

 

 

४. आयरल्याण्ड  

आयरल्याण्डको जीडीपी–पीपीपी १ लाख ३१ हजार ५५० डलर रहेको छ । वित्तीय र प्राविधिक क्षेत्रले यहाँको जीवनस्तर उकासेको छ । आयरल्याण्ड हाल प्राविधिक र औषधि उत्पादन बहुराष्ट्रिय कम्पनीहरुको गन्तव्य बनिरहेको छ । यहाँको अर्थतन्त्र २.२ प्रतिशतको वृद्धिका साथ अघि बढिरहेको छ ।  

५. कतार

प्राकृतिक ग्यास र तेल जस्ता प्राकृतिक स्रोत साधनको धनी देश कतारको जीडीपी–पीपीपी १ लाख १८ हजार ७६० डलर रहेको छ । जिवाश्म इन्धनको भण्डारणले कतारलाई विश्वका धनाढ्य देशहरुको सस्चीमा उभ्याएको छ । यहाँको वृद्धिदर १.७ प्रतिशत रहेको छ । तेलमा निर्भर अर्थतन्त्र र विविधिकरणको चुनौतिका कारण यहाँको वृद्धिदर सुस्त देखिएको हो ।  

६. नर्वे  

नर्वेको जीडीपी–पीपीपी पर क्यापिटा १ लाख ६ हजार ५४० डलर रहेको छ । नर्वे प्राकृतिक सम्पदा तथा तेल र ग्यासमा धनी छ । यहाँको सामाजिक कल्याणकारी प्रणाली र जीवनस्तर उत्कृष्ठ छ । नर्वेको वृद्धिदर १.८ प्रतिशत रहेको छ ।  

७.स्विट्जरल्याण्ड

सबल अर्थतन्त्रका कारण स्विट्जरल्याण्डको जीडीपी–पीपीपी ९८ हजार १४० डलर रहेको छ । यहाँको अर्थतन्त्रलाई वित्त,फर्मा र उत्पादक उद्योगहरुले टेवा पुर्याएको छ । यहाँको जीवनस्तर उच्च हुनुका साथै स्थिर वित्तीय प्रणाली रहेको छ । पहिले नै विकसित भईसकेका कारण यहाँको अर्थतन्त्र १.३ प्रतिशतको सुस्त गतिमा अघि बढिरहेको छ ।  

८.ब्रुनाई  

ब्रुनाईको जीडीपी–पीपीपी ९५ हजार ४० डलर रहेको छ । जिवाश्म इन्धनको निर्यातका कारण धनी बनेको छ । यहाँको वृद्धि २.५ प्रतिशत रहेको छ ।  

९.गुयाना

गुयाना दक्षिण अमेरिकामा रहेको देश हो । यहाँको जीडीपी–पीपीपी ९१ हजार ३८० रहेको छ । जुन यो महादेृशकै उच्च हो । नयाँ तेल उत्पादन उद्योगका कारण यहाँको अर्थतन्त्र १४.४ प्रतिशतको उच्च वृद्धिका साथ अघि बढिरहेको छ ।  

१०.अमेरिका  

अमेरिकाको जीडीपी–पीपीपी ८९ हजार ६८० डलर रहेको छ । जसले यहाँको उच्च जीवनस्तर र विविधिकृत अर्थतन्त्रलाई दर्शाउछ । अमेरिका उद्योग, प्रविधि र वित्तको क्षेत्रमा विश्वकै अग्रेणी देश हो । यहाँको वृद्धिदर २.२ प्रतिशत रहेको छ ।